Aarti Badade
साबुदाणा लाडू उपवासात खाण्यासाठी उत्तम पर्याय आहे! त्यात पारंपरिक चव आणि पौष्टिक घटक आहेत.
१ वाटी वाळवलेला साबुदाणा, १ वाटी साखर, अर्धी वाटी लिंबाचा रस, वेलदोडा पूड, बडीशेप काप, केशर आणि तूप घ्या.
पोहे भाजतो तसा साबुदाणा कोरड्या कढईत भाजून घ्या. तो तांबूस होईपर्यंत भाजा. ही पायरी लाडूंची चव ठरवते!
एका पातेल्यात साखर आणि पाणी घेऊन एकतारी पाक बनवा. त्यात लिंबाचा रस घाला. यामुळे पाक चांगला टिकतो.
पाकात वेलदोड्याची पूड, बडीशेप काप आणि केशर मिसळा. हे मिश्रण लाडूंना सुंदर सुगंध आणि चव देते.
तयार पाकात भाजलेला साबुदाणा मिसळा. सर्व साहित्य नीट मिसळून एक गोळा तयार करा.
हलक्या हाताने लाडवांसारखे गोळे वळा. लाडू थोडा गरम असतानाच वळल्यास ते चांगले बनतात.
जर लाडू कोरडे वाटले, तर थोडं तूप मिसळा. त्यामुळे लाडू मऊ आणि चमकदार होतील.
पाक जर जास्त झाला तर लाडू चिकट होतात. त्यामुळे नेहमी एकतारी पाकच वापरा!