चिकनप्रेमींसाठी खास! असा बनवा तोंडाला पाणी आणणारा चिकन रान

मसालेदार आणि रसाळ चिकन रान!

दही, मसाले आणि आले-लसूण पेस्टमध्ये मॅरिनेट केलेलं चिकन रान प्रत्येक घासात देईल जबरदस्त चव.

लागणारे साहित्य

१ अखंड चिकन रान, ३-४ चमचे घट्ट दही, १ चमचा आले-लसूण पेस्ट, २ चमचे लाल तिखट, १ चमचा हळद, २ चमचे गरम मसाला, धने-जिरे पूड, लिंबाचा रस, मीठ आणि तेल घ्या.

चिकनला चिरा द्या

चिकन रान स्वच्छ धुऊन घ्या आणि मसाला आतपर्यंत मुरण्यासाठी त्यावर सुरीने हलके चिरा द्या.

मसाला तयार करा

एका भांड्यात दही, आले-लसूण पेस्ट, लिंबाचा रस, लाल तिखट, हळद, गरम मसाला, धने-जिरे पूड आणि मीठ एकत्र करून मॅरिनेड तयार करा.

चिकन मॅरिनेट करा

तयार मसाला चिकन रानाला सर्व बाजूंनी आणि चिरलेल्या भागांमध्ये व्यवस्थित चोळून लावा.यानंतर चिकन २ ते ४ तास फ्रिजमध्ये मुरू द्या.

चिकन रान शिजवा

कढईत तेल किंवा बटर गरम करून मॅरिनेट केलेलं चिकन रान ठेवा आणि झाकण ठेवून मंद आचेवर दोन्ही बाजूंनी व्यवस्थित शिजवून घ्या.

गरमागरम सर्व्ह करा

चिकन रान चांगलं शिजून सोनेरी रंगाचं झालं की वरून लिंबाचा रस आणि कोथिंबीर घाला.गरमागरम चिकन रान चपाती, भाकरी किंवा सलाडसोबत सर्व्ह करा!

१५ मिनिटांत मॅरीनेट, तव्यावर झटपट फ्राय; अशी बनवा कोळंबी