हिवाळा स्पेशल चवदार रेसिपी! तोंडाची चव वाढवणारी चटपटीत पेरूची चटणी

हिवाळ्याची खास मेजवानी

हिवाळ्यात ताजे आणि गोड पेरू बाजारात येतात. केवळ सॅलड म्हणून खाण्याऐवजी, या पेरूपासून बनवलेली मसालेदार चटणी जेवणाची लज्जत वाढवते.

आवश्यक साहित्य

१ मध्यम पेरू, १ तुकडा आले, २-३ हिरव्या मिरच्या, २ सुक्या लाल मिरच्या, १/२ कप कोथिंबीर, १/२ टीस्पून जिरे, १/२ टीस्पून काळे मीठ, साधे मीठ (चवीनुसार), १ इंच गुळाचा तुकडा, १/२ लिंबाचा रस.

पूर्वतयारी

सर्वात आधी पेरू स्वच्छ धुवून त्याचे मध्यम तुकडे करून घ्या. तसेच आले, हिरवी मिरची आणि कोथिंबीर देखील स्वच्छ धुवून चिरून घ्या.

मिक्सरचा वापर

मिक्सरच्या जारमध्ये चिरलेला पेरू, कोथिंबीर, आले, हिरवी व लाल मिरची, गूळ, जिरे आणि दोन्ही प्रकारचे मीठ एकत्र करा.

चटणीची कन्सिस्टन्सी

आता यात लिंबाचा रस घालून सर्व मिश्रण बारीक वाटून घ्या. तुम्हाला आवडत असल्यास चटणी एकदम स्मूद करा किंवा थोडी जाडसर (Coarse) ठेवा.

कशासोबत खावी?

ही चटपटीत पेरूची चटणी तुम्ही सँडविच, गरम पकोडे, पराठा किंवा जेवणात तोंडी लावण्यासाठी वापरू शकता.

आरोग्यासाठी फायदेशीर

पेरूमध्ये व्हिटॅमिन सी, फायबर आणि अँटीऑक्सिडंट्स भरपूर असतात. ही चटणी पचनासाठी उत्तम असून प्रतिकारशक्ती वाढवण्यास मदत करते.

भारतातील एकमेव नदी विरुद्ध दिशेने वाहते? जाणून घ्या पौराणिक कथा