जिभेला चव येईल असा बनवा झणझणीत 'अंडा तवा मसाला'!

चविष्ट स्ट्रीट-स्टाईल डिश

अंडा तवा मसाला ही उकडलेली अंडी आणि खास मसाल्यांपासून तव्यावर बनवली जाणारी एक झणझणीत स्ट्रीट-स्टाईल रेसिपी आहे.

आवश्यक साहित्य

यासाठी ४-५ उकडलेली अंडी, बारीक चिरलेला कांदा, टोमॅटो, आलं-लसूण पेस्ट आणि घरातील नियमित मसाल्यांची गरज असते.

अंडी फ्राय करण्याची पद्धत

उकडलेल्या अंड्यांचे दोन भाग करून तव्यावर तेल, मीठ आणि तिखट टाकून पिवळ्या भागाच्या बाजूने १-२ मिनिटे छान फ्राय करून घ्या.

कांदा आणि आलं-लसूण पेस्ट परता

त्याच तव्यावर थोडे तेल गरम करून बारीक चिरलेला कांदा तांबूस होईपर्यंत परता आणि त्यात आलं-लसूण पेस्ट घालून खमंग वास येईपर्यंत शिजवा.

टोमॅटो आणि मसाले एकजीव करा

चिरलेला टोमॅटो मऊ होईपर्यंत शिजवून घ्या आणि त्यानंतर हळद, तिखट, धणेपूड व गरम मसाला घालून तेल सुटेपर्यंत मसाला परता.

अंड्यांचा मसाल्यात समावेश

मसाल्यात थोडे पाणी घालून ग्रेव्ही लपथपीत करा आणि त्यात फ्राय केलेली अंडी घालून मसाला अंड्यांना व्यवस्थित लागेल अशा प्रकारे परतून घ्या.

कोथिंबीर घालून गरमागरम सर्व्ह करा

बारीक चिरलेली कोथिंबीर वरून पसरवा आणि हा चटपटीत अंडा तवा मसाला पाव, रोटी किंवा चपातीसोबत आनंदाने सर्व्ह करा.

प्रोटीनसाठी बेस्ट कोणतं? चिकन लिव्हर की मटण लिव्हर