भाकरीसोबत खा झणझणीत सुक्या बोंबीलचा ठेचा! तोंडाची चव वाढवणारी सोपी रेसिपी

बोंबील स्वच्छ साफ करणे

हा झणझणीत ठेचा बनवण्यासाठी सर्वात आधी सुके बोंबील घेऊन ते वाहत्या पाण्यात व्यवस्थित स्वच्छ धुवून घ्यावेत.

डोके आणि शेपूट कापून घेणे

बोंबील धुतल्यानंतर तीक्ष्ण सुरीच्या साहाय्याने त्यांचे डोके आणि शेपूट कापून पूर्णपणे वेगळे करून टाकावे.

तवा गरम करून तेल टाकणे

गॅसवर लोखंडी तवा चांगला गरम करण्यासाठी ठेवावा आणि तवा गरम झाल्यावर त्यावर साफ केलेले सुके बोंबील टाकून वरून थोडे तेल सोडावे.

कुरकुरीत होईपर्यंत भाजणे

तेल टाकल्यानंतर सुके बोंबील मंद आचेवर तव्यावर छान तांबूस आणि एकदम कुरकुरीत होईपर्यंत खरपूस भाजून घ्यावेत.

लसूण आणि हिरव्या मिरच्या भाजणे

त्याच तव्यावर आवडीनुसार भरपूर लसूण पाकळ्या आणि तिखट हिरव्या मिरच्या टाकून डाग पडेपर्यंत व्यवस्थित भाजून घ्याव्यात.

मसाले आणि मीठ एकत्र करणे

भाजलेले बोंबील, मिरची आणि लसणासोबत थोडे जिरे, चवीनुसार मीठ, हळद आणि हलका घरगुती मसाला एकत्र करावा.

पाटा-वरवंटा किंवा मिक्सरमध्ये

सर्व साहित्य एकत्र करून खलबत्त्यात, पाटा-वरवंट्यावर किंवा मिक्सरमध्ये अगदी पल्स मोडवर ठेचा जाडसर वाटून (कुटून) घ्यावा.

गरमागरम भाकरीसोबत सर्व्हिंग

तयार झालेला हा खमंग आणि झणझणीत सुक्या बोंबीलचा ठेचा ज्वारी किंवा बाजरीच्या गरमागरम भाकरीसोबत खाण्यासाठी सर्व्ह करावा.

माशाचा उग्र वास येतो? मग सुरमई साफ करताना 'या' स्टेप्स लक्षात ठेवा!