सकाळ वृत्तसेवा
हिवाळात त्वचेवर, ओठांवर व केसांवर विपरीत परिणाम होत असतात.
लहान मुलांची त्वचा प्रौढांच्या तुलनेत जास्त नाजूक असते. त्यामुळे लहान मुलांच्या त्वचेवर जास्त परिणाम दिसून येतो.
थंडीमुळे लहान मुलांची त्वचा शुष्क होते, ओठ फाटतात आणि पुरळ येतात.
मुलांना कोमट पाण्याने 10 मिनिटांत अंघोळ घालावी. साबणाचा पाण्यात जास्त वेळ खेळू देऊ नये. नवजात बाळ असेल तर कोमट टॉवेलने पुसणे घ्यावे.
अंघोळीनंतर त्वचा ओलसर असतानाच मॉइश्चरायझर लावावे. बदाम, खोबरेल किंवा ऑलिव्ह तेलाने हलक्या हाताने मसाज करावा.
मुलांना भरपूर पाणी पाजावे. आहारात हिरव्या भाज्या, मोड आलेली कडधान्ये, गाजर, बीट, मासे आणि प्रथिनयुक्त पदार्थांचा समावेश असावा.
कॉटनचे कपडे आतून घालून लोकरचे कपडे बाहेरून घालावेत. स्वेटर थेट त्वचेवर घालणे टाळावे. कानटोपी, हातमोजे आणि पायमोजे घालावेत.
अंघोळीपूर्वी तेलाने मसाज करणे फायदेशीर ठरते. स्वच्छ कंगव्याने केस विंचरावे.
विशेष त्वचा विकार असतील तर, तज्ज्ञ डॉक्टरांचा सल्ला आवश्यक घ्यावा.