शिवरायांच्या लेकीचं सासर पाहिलं का? कुठे आहे?

स्थान

सातारा जिल्ह्यातील वाई तालुक्यात वसलेले ऐतिहासिक गाव पुण्यापासून ८६ किलोमीटर, तर सातारा शहरापासून अवघ्या २५ किलोमीटर अंतरावर आहे.

निसर्ग

कृष्णा नदीच्या विस्तीर्ण काठावर वसलेल्या या गावाचे नैसर्गिक सौंदर्य मनाला भुरळ घालणारे आहे.

ऐतिहासिक

गावात प्रवेश करताच साडेतीनशे ते चारशे वर्षांपूर्वीची यादवकालीन स्थापत्यशैलीची झलक दाखवणारी रायाजीराव जाधवराव यांची भव्य समाधी पाहायला मिळते.

शिल्पकला

या समाधीवर हत्ती, पक्षी, प्राणी, युद्धप्रसंग, गणेशमूर्ती आणि विविध नक्षीकाम केलेली सुंदर शिल्पे पाहायला मिळतात.

श्रद्धा

समाधीच्या आतील भागात असलेल्या शिवपिंडीची गेल्या साडेतीनशे वर्षांपासून नियमित पूजा केली जात आहे.

मंदिरे

गावात प्राचीन हनुमान मंदिर, श्रीरामचंद्र मंदिर आणि कृष्णा नदीच्या काठावर वसलेले महालक्ष्मी मंदिर आहे.

वारसा

महालक्ष्मी मंदिराच्या परिसरात अनेक वीरगळ, दीपमाळा आणि प्राचीन मूर्ती पाहायला मिळतात, ज्या गावाचा ऐतिहासिक वारसा सांगतात.

वास्तुकला

गावातील जुन्या वास्तूंमध्ये आचार्य भृगू ऋषींची समाधी, समाधी मठ आणि दत्त मंदिराजवळील स्वयंभू शिवलिंग विशेष लक्ष वेधून घेतात.

वाडा

गावातील सर्वांत महत्त्वाची ऐतिहासिक वास्तू म्हणजे शिवकालीन जाधवराव घराण्याचा जुना वाडा, ज्याचे मूळ लाकडी बांधकाम आणि भिंती आजही सुस्थितीत आहेत.

जतन

काळाच्या ओघात वाड्याच्या छतावरील जुनी कौले बदलून पत्रे बसवण्यात आले असले, तरी जाधवराव कुटुंबीयांनी वाड्याचे मूळ स्वरूप जपले आहे.

परंपरा

जाधवराव घराण्याचे वंशज आजही या वाड्यात वास्तव्य करत असून त्यांनी अनेक शतकांचा ऐतिहासिक ठेवा जतन करून ठेवला आहे.

ओळख

कृष्णा नदीचा निसर्गरम्य किनारा, प्राचीन मंदिरे, ऐतिहासिक समाध्या आणि शिवकालीन वास्तूंचा अनमोल वारसा जपणारे हे गाव म्हणजे सातारा जिल्ह्यातील वाई तालुक्यातील भुईंज गाव.

'या' गावत सूर्यास्तानंतर जाण्यास मनाई, निर्मनुष्य होणारे गाव