दिवाळीचा खास विधी! नरक चतुर्दशीला कारिट फळ का फोडले जाते?

नरक चतुर्दशीची खास परंपरा

दिवाळीच्या एक दिवस आधी नरक चतुर्दशीला (Choti Diwali) एक खास विधी केला जातो. पहाटे अभ्यंगस्नानापूर्वी कारिट फळ फोडण्याची परंपरा अनेक घरांमध्ये आजही पाळली जाते.

नरकासुराचा पराभव

हे फळ फोडणे म्हणजे नरकासुर राक्षसाचा पराभव आणि त्याचा वध झाल्याचे प्रतीक आहे.भगवान श्रीकृष्णाच्या विजयाचे स्मरण यानिमित्ताने केले जाते.

कशाचे आहे प्रतीक?

कारिट फळ हे नरकासुर राक्षसाचे प्रतीक मानले जाते. हे फोडणे म्हणजे वाईटावर चांगल्याचा आणि अंधारावर प्रकाशाचा विजय होय.

अभ्यंगस्नानापूर्वी विधी

नरक चतुर्दशीच्या पहाटे सूर्योदयापूर्वी उठून हा विधी केला जातो. अभ्यंगस्नान (Mangal Snan) करण्यापूर्वी कारिट फळ फोडणे आवश्यक मानले जाते.

विधी कसा करतात?

फळ जमिनीवर ठेवून डाव्या पायाच्या अंगठ्याने फोडले जाते. हे फळ फोडल्याने नरकासुर मारला गेला असे मानले जाते.

विधीचे स्थान

ही प्रथा शक्यतो घराबाहेर किंवा तुळशी वृंदावनाजवळ केली जाते.आजही महाराष्ट्रातील अनेक घरांमध्ये आणि खासकरून कोकण प्रदेशात ही परंपरा पाळली जाते.

धार्मिक महत्त्व

ही परंपरा आपल्याला सत्य आणि धर्माच्या विजयाचे स्मरण करून देते. नरक चतुर्दशीला हा विधी श्रद्धेने पाळल्यास अकाली मृत्यूचा धोका टळतो, असे मानले जाते.

अभ्यंगस्नान म्हणजे काय? जाणून घ्या शुभ मुहूर्त