अंकिता खाणे (Ankita Khane)
मानवाप्रमाणेच आता प्राण्यांमध्ये देखील समलैगिंकता असल्याचे एका संशोधनातून समोर आले आहे.
तुम्ही कधी विचार केला आहे की, प्राणी देखील समलिंगी असू शकतात? नसेल तर नुकताच समोर आलेला संशोधन अहवाल तुम्हाला आश्चर्यचकित करू शकतो.
मरीन मॅमल सायन्स या जर्नलमध्ये अलीकडेच दोन समलैंगिक व्हेलचे वर्णन करण्यात आले आहे. व्हेलच्या अशा हालचाली क्वचितच कॅमेऱ्यात टिपल्या जातात.
कॅमेरात कैद झालेल्या दोन्ही व्हेल नर असल्याचे या अहवालात सांगण्यात आले आहे. याशिवाय दोघांनी एकत्र शारीरिक संबंध ठेवल्याचेही आढळून आले.
केवळ व्हेलमध्येच नव्हे तर अनेक पक्षी आणि प्राण्यांच्या घटनांची नोंद झाली आहे.
आता दोन व्हेलमध्ये समलैंगिकता दिसली असली तरी याआधी १५०० हून अधिक प्रजातींमध्ये अशा घटना पाहिल्या गेल्या आहेत.
या प्रजातींमध्ये कीटक, कोळी, साप, पक्षी आणि सस्तन प्राणी यांचा समावेश होता. ही समलैंगिकता स्त्री आणि पुरुष दोघांमध्ये दिसून येते.
2019 मध्ये केलेल्या अभ्यासानुसार, 5 अनुवांशिक चिन्हक मानवांमध्ये समलिंगी वर्तनाशी लक्षणीयपणे संबंधित आहेत. मात्र, यातूनही विरोधाभास निर्माण होतो.
समलैंगिक वर्तनामागील जैविक आणि अनुवांशिक घटक हे मुख्य घटक आहेत याचे बरेच पुरावे देखील आहेत. यामध्ये पर्यावरणाचाही महत्त्वाचा वाटा आहे.
उत्क्रांतीवादी जीवशास्त्रज्ञ एन डब्ल्यू बेली आणि एम झुक यांनी प्रथम असे गृहित धरले की, समलिंगी लैंगिक वर्तन सकारात्मक सामाजिक संबंध प्रस्थापित आणि टिकवून ठेवण्यासाठी योगदान देते, म्हणजेच समलैंगिकता त्यापासून दूर राहणाऱ्यांपेक्षा समाजात राहणाऱ्यांमध्ये अधिक सामान्य आहे.
शास्त्रज्ञांना असेही आढळून आले की अनेक प्रजातींमध्ये समलैंगिकता खूप सामान्य आहे आणि ते मोठे झाल्यावर त्यांच्याशी जुळवून घेतात.