Monika Lonkar –Kumbhar
मका खायला सगळ्यांनाच आवडतो. मक्याचे कणीस, मक्यापासून बनवले जाणारे विविध खाद्यपदार्थ हे सगळ्यांनाच खायला आवडतात.
मक्यामध्ये भरपूर प्रमाणात पोषकघटक देखील आढळून येतात. त्यामुळे, मका हा आपल्या आरोग्यासाठी अतिशय फायदेशीर आहे.
आरोग्यासोबतच मका हा आपल्या त्वचेसाठी देखील तितकाच फायदेशीर आहे. आज आम्ही तुम्हाला मक्याच्या पीठापासून (कॉर्नफ्लोअर) बनवल्या जाणाऱ्या काही सोप्या फेसपॅक्सबद्दल सांगणार आहोत.
डागविरहीत त्वचेसाठी आणि चमकदार चेहऱ्यासाठी हा फेसॅपक अतिशय फायदेशीर आहे. हा फेसपॅक बनवण्यासाठी एका भांड्यात ३-४ चमचे कॉर्नफ्लोअर घ्या.
त्यात आता २ चमचे नारळाचे दूध मिसळा आणि चिमूटभर हळद मिक्स करा.
या मिश्रणाची पेस्ट बनवून आता चेहऱ्यावर लावा. १५-२० मिनिटांनी चेहरा थंड पाण्याने धुवा. या फेसपॅकमुळे ब्लॅकहेड्स आणि डार्कसर्कलची समस्या देखील दूर होईल.
अधिक चांगल्या परिणामांसाठी आठवड्यातून किमान २ वेळा हा फेसपॅक चेहऱ्यावर लावा. तुमची त्वचा ही उजळेल आणि चेहऱ्याच्या समस्या दूर होण्यास मदत होईल.