Mansi Khambe
जगभरातील बहुतेक देशांतील नागरिकांना त्यांच्या कमाईवर टॅक्स भरावा लागतो. जगाच्या अनेक भागात कर दर गगनाला भिडत आहेत. मात्र असे काही देश असे आहेत जिथे नागरिकांना टॅक्स भरावा लागत नाही.
हे देश सहसा तेल, वायू किंवा पर्यटनासारख्या इतर स्रोतांमधून उत्पन्न मिळवतात आणि नागरिकांना कर सवलत देतात. नाही. या करमुक्त धोरणांमुळे हे देश गुंतवणूकदार आणि उच्च उत्पन्न मिळवणाऱ्यांसाठी आकर्षक बनतात.
संयुक्त अरब अमिराती, कुवेत, कतार, सौदी अरेबिया, बहरीन, ब्रुनेई, बहामास, मोनाको, केमन बेटे, ब्रिटिश व्हर्जिन बेटे, अँगुइला आणि ओमान हे असे देश आहेत जिथे लोकांना त्यांच्या पगारावर किंवा व्यवसायाच्या उत्पन्नावर कोणताही आयकर भरावा लागत नाही.
या देशांना सामान्यतः कर आश्रयस्थान म्हटले जाते कारण येथील कर प्रणाली सोपी आहे किंवा ती अस्तित्वातच नाही. यामुळेच अनेक श्रीमंत लोक, व्यापारी आणि स्थलांतरित या देशांना त्यांची पहिली पसंती मानतात.
तथापि, यापैकी काही देश आता त्यांच्या कर धोरणांमध्ये बदल करण्याच्या दिशेने वाटचाल करत आहेत.
ओमानमध्ये आतापर्यंत नागरिकांवर वैयक्तिक उत्पन्न कर नव्हता. पण आता ओमान सरकार उत्पन्नावर कर लादण्याचा विचार करत आहे. ओमानने आधीच ५ टक्के व्हॅट लागू केला आहे आणि आणि कंपन्यांवर कॉर्पोरेट कर आकारला जात आहे.
ओमानमध्ये २०२८ पासून याची अंमलबजावणी केली जाईल. याअंतर्गत, वार्षिक ४२ हजार ओमानी रियाल (सुमारे ९३.५ लाख रुपये) पेक्षा जास्त उत्पन्नावर ५ टक्के कर आकारला जाईल.
ओमान देशाला तेलावरील अवलंबित्वातून मुक्त करणे आणि त्याला अधिक स्थिर आणि वैविध्यपूर्ण उत्पन्न देणे हे त्याचे उद्दिष्ट आहे. कर प्रणाली मजबूत करणे त्याच्या आर्थिक रचनेसाठी आवश्यक आहे, असा ओमान सरकारचा विश्वास आहे.