kimaya narayan
आज बहुप्रतीक्षित ऑस्कर पुरस्कार पार पडला. अनेक भारतीयांच्या मनात एका भारतीय सिनेमाला ऑस्कर मिळावा ही इच्छा आहे पण अजूनही ही इच्छा पूर्ण झाली नाहीये. तरीही आज जाणून घेऊया या सिनेमाविषयीच्या इंटरेस्टिंग गोष्टी.
1929 अमेरिकेत ऑस्कर पुरस्कार सोहळ्याला सुरुवात झाली. या सोहळ्यात सहभागी होण्यासाठी त्यावेळी 5 डॉलर एंट्री फी द्यावी लागायची. अकादमी संघटनेत फिल्मी संघटनेचे सदस्य नसलेल्या लोकांना सहभागी होता येत नाही.
ऑस्करची शानदार ट्रॉफी अमेरिकन मूर्तिकार जॉर्ज स्टॅनली यांनी बनवली आहे. ही ट्रॉफी कांस्याची असून हिच्यावर 24 कॅरेट सोन्याचं फॉर्मिंग असतं. तसंच ही ट्रॉफी 13.5 इंच लांब आणि 8.5 पाउंड म्हणजेच जवळपास 4 किलो वजनाची आहे.
ही एक ट्रॉफी बनवण्यास 35 हजार रुपये खर्च येतो. पण हीच ट्रॉफी कोणत्याही विजेत्याला विकता येत नाही पण विकायची असेल तर नियम आहेत.
जर कुणाला ही ट्रॉफी विकायची असेल तर त्यांना अकादमीला 1 डॉलर म्हणजे 87.37 रुपये तुम्हाला द्यावे लागतात. तसंच पुरस्कार मिळाल्यानंतर विजेत्यांना एक कॉन्ट्रॅक्ट सही करावा लागतो ज्यामुळे ते पुरस्कार परस्पर विकू शकत नाहीत.
म्हणजेच जर 400 डॉलर मेकिंग असणाऱ्या या ट्रॉफीची रिसेल किंमत फक्त 87 रुपये म्हणजे 1 डॉलर इतकीच आहे. हा अवॉर्ड अकादमी शिवाय तुम्ही इतर कुणालाही परत विकू शकत नाही.
ऑस्कर पुरस्कार जिंकल्यानंतर विजेत्या व्यक्तीला फक्त 45 सेकंदच भाषण करता येतं. या नियमापूर्वी सगळ्यात मोठं भाषण ग्रीर गार्सन या अभिनेत्रीने मिसेज मिनीवर या सिनेमासाठी पुरस्कार मिळाल्यावर केलं होतं जे पाच मिनिटांचं होतं.
ऑस्कर पुरस्कार विजेत्यांची नावे ही नेहमी लिफाफ्यात सीलबंद असतात. त्यामुळे स्टेजवरील मान्यवराशिवाय ती इतर कुणालाही माहित नसतात.