Recipe: अस्सल महाराष्ट्रीयन 'मेतकूट', जेवणाला बनवतं लज्जतदार!

महाराष्ट्रीयन पारंपरिक पदार्थ

मेतकूट अस्सल महाराष्ट्रीयन पारंपरिक पदार्थ असून अत्यंत चविष्ट, पाचक आणि बहुगुणी पदार्थ आहे.

दीर्घकाळ टिकणारा पदार्थ

वेगवेगळ्या डाळी, धान्यांचा वापर करून हा पदार्थ केला जातो. तसेच हे दीर्घकाळ टिकणारे असून हवाबंद डब्यात ठेवले,तर ६ ते १२ महिने टिकू शकते.

जेवणारा चव आणणारं मेतकूट

मेतकूट, तूप आणि गरम भात हे प्रामुख्याने खाल्ले जाते. पण त्यासोबतच चपातीसोबत, कोशिंबिरमध्ये, उपीट आणि पोह्यातही मेतकूट खालून खाता येते.

जिभेला चव आणणारा पदार्थ

ताप, सर्दी किंवा आजारपणातून उठल्यानंतर जिभेला चव नसते, अशावेळी मऊ भात आणि मेतकूट दिले जाते. ते पोटासाठी हलके आणि पाचक असते. तसेच त्यातून प्रोटिनही मिळते.

Metkut साहित्य :

एक वाटी हरभरा डाळ, अर्धी वाटी तांदूळ, अर्धी वाटी उडीद डाळ, २ चमचे गहू, २ चमचे जिरे, १ चमचा हिंग, १ चमचा हळद, २ चमचे तिखट, १ चमचा मोहरी.

कृती :

दोन्ही डाळी, गहू व तांदूळ वेगवेगळे भाजून घ्यावेत. नंतर जिरे, हिंग, हळद, तिखट, मोहरी एकत्र करून भाजलेल्या डाळी, गहू व तांदळाबरोबर एकत्र कालवावे व दळून घ्यावे.

हवाबंद डब्यात ठेवा

मग हे पीठ थोडे थंड झाल्यावर हवाबंद बरणीत भरून ठेवावे.

घरात मनी प्लांट वाढवताना 'या' गोष्टी लक्षात ठेवा