kimaya narayan
1990 ला रिलीज झालेला आशिकी सिनेमा सुपरहिट झाला आणि या सिनेमातून राहुल रॉय आणि अनु अग्रवाल ही फ्रेश जोडी घराघरात पोहोचली.
रातोरात या जोडीला स्टारडम मिळालं. या सिनेमातील गाण्यांनीही जनतेची मनं जिंकली.
सिनेमात अनु वर्गसी ही भूमिका साकारणारी अनु अग्रवाल नॅशनल क्रश बनली. यानंतर तिला अनेक सिनेमांच्या ऑफर्स आल्या.
1999 मध्ये एका पार्टीवरून परतत असताना तिचा खूप मोठा जीवघेणा अपघात झाला. यात ती गंभीर जखमी झाली.
या अपघातानंतर ती 29 दिवस कोमात होती. जेव्हा शुद्ध आली तेव्हा तिचं अर्ध शरीर पॅरालाईज झालं होतं आणि तिची स्मृतीही गेली होती. जखमांमुळे तिचा मूळ चेहराही बदलला.
अपघातामुळे तिला ओळखणं कठीण झालं मग तिने बॉलिवूडमधून संन्यास घेतला. त्यानंतर योगा आणि मेडिटेशनच्या माध्यमातून तिने तिची स्मृती परत मिळवली.
अनु आता मानसिक स्वास्थ्याशी संबधी संस्था चालवते. याबरोबरच ती मोटिव्हेशनल स्पीकरही आहे.