Sudesh
आयफोन घेणाऱ्यांपैकी बहुतांश लोक हे त्यातील सेफ्टी फीचर्समुळे आयफोनला पसंती दर्शवतात.
मात्र, हॅकर्स हे सातत्याने सिक्युरिटी वॉल भेदण्यासाठी नवनवीन पद्धती शोधत असतात.
यातच आता आयफोनमधून महत्त्वाचा डेटा चोरण्याची नवी पद्धत हॅकर्सनी शोधून काढली आहे.
हॅकर्सने एक असा ट्रोजन व्हायरस तयार केला आहे, जो यूजर्सचे बँक डीटेल्स आणि फेस आयडी, फिंगरप्रिंट यासारखा बायोमॅट्रिक डेटादेखील चोरू शकतो.
या ट्रोजन व्हायरसला GoldPickaxe.iOS या नावाने ओळखलं जातं. एका सायबर सुरक्षा रिसर्च ग्रुपने याचा शोध लावला आहे.
या डेटाचा वापर करून हॅकर्स डीपफेक व्हिडिओ तयार करू शकतात, असं या संशोधकांनी म्हटलं आहे.
हा व्हायरस आयफोन यूजर्सचे एसएमएस देखील वाचू शकतो. म्हणजेच बँक डीटेल्स आणि ओटीपी या दोन्ही गोष्टी हॅकर्सना मिळू शकतात.
हा व्हायरस अँड्रॉईड मोबाईल्सना देखील टार्गेट करत आहे. मात्र, आयफोनवर हल्ला करण्याची ही पहिलीच वेळ असल्याचं सांगण्यात येत आहे.