Winter Special Recipe ! संत्र्याच्या ट्विस्टसह मऊशार गाजर बर्फी ट्राय केलीत का?

काहीतरी नवीन ट्राय करा!

हिवाळ्यात गाजर भरपूर मिळतात. नेहमीचा हलवा करण्यापेक्षा यंदा अमरावतीच्या गृहिणी सुनिता घुलक्षे यांनी सांगितलेली गाजराची बर्फी नक्की बनवून पाहा.

आवश्यक साहित्य

किसलेले गाजर, संत्र्याचे काप (पर्यायी), साखर, खवा (मावा), विलायची पूड, फूड कलर (आवडीनुसार) आणि बटर पेपर.

संत्र्याचा खास ट्विस्ट

सर्वात आधी पॅनमध्ये संत्र्याचे काप टाकून ते थोडे मॅश करा. संत्र्यामुळे बर्फीला एक वेगळीच आंबट-गोड आणि फ्रेश चव येते.

साखर आणि गाजर

संत्र्यामध्ये साखर टाकून ती पूर्ण विरघळू द्या. त्यानंतर त्यात गाजराचा किस घालून हे मिश्रण चांगले शिजवून घ्या.

खव्याचा वापर

मिश्रण व्यवस्थित शिजल्यानंतर त्यात खवा (Mawa) मिक्स करा. खव्यामुळे बर्फीला हॉटेलसारखा रिचनेस आणि मऊपणा मिळतो.

वडीसाठी सारण तयार

खवा घातल्यानंतर ५-१० मिनिटे परता. शेवटी विलायची पूड टाकून मिश्रण घट्ट होईपर्यंत शिजवा. आता बर्फीचे सारण तयार आहे.

सेट करण्याची पद्धत

हे सारण बटर पेपरवर काढून पसरवून घ्या. अर्धा तास थंड होऊ द्या. वड्या कापताना त्या थोड्या ओलसर ठेवा, जेणेकरून त्या नरम राहतील.

आरोग्यदायी मिठाई

कमी साखर वापरून घरच्या घरी तयार झालेली ही गाजर बर्फी लहान मुलांपासून मोठ्यांपर्यंत सर्वांनाच आवडेल. नक्की करून पाहा!

1000 वर्षांपूर्वीचं विज्ञान! दुपारच्या कडक उन्हातही या मंदिराची सावली का पडत नाही?