Aarti Badade
कच्चा टोमॅटो केवळ चविष्टच नाही, तर तो लायकोपीन, व्हिटॅमिन सी, पोटॅशियम आणि फायबर यांसारख्या पोषक तत्वांनी भरपूर आहे. त्वचेपासून हृदयापर्यंत अनेक आरोग्य फायद्यांसाठी तो उपयुक्त आहे.
कच्च्या टोमॅटोमधील लायकोपीन आणि व्हिटॅमिन सी त्वचेसाठी नैसर्गिक बूस्टर म्हणून काम करतात. ते त्वचेला हायड्रेट ठेवतात, चमक वाढवतात आणि वृद्धत्वाची लक्षणे कमी करतात. मुरुम आणि तेलकट त्वचेसाठीही फायदेशीर.
टोमॅटोमधील लायकोपीन, पोटॅशियम आणि फोलेट हृदयाचे आरोग्य सुधारते. ते रक्तदाब संतुलित करते, कोलेस्टेरॉल नियंत्रित करते आणि हृदयरोगांचा धोका कमी करते, विशेषतः हृदयविकाराचा झटका आणि स्ट्रोक.
वजन कमी करण्यासाठी टोमॅटो एक उत्तम पर्याय आहे. यात कॅलरीज कमी आणि फायबर व पाणी जास्त असल्याने पोट बराच काळ भरलेले राहते. ते चयापचय क्रिया सक्रिय करते आणि चरबी जाळण्यास मदत करते.
कच्च्या टोमॅटोमधील फायबर आणि नैसर्गिक आम्ल पचन सुधारते. ते गॅस, आम्लता आणि बद्धकोष्ठता यांसारख्या समस्या दूर करते, तसेच आतड्यांचे कार्य सुधारते आणि पचनसंस्था निरोगी ठेवते.
व्हिटॅमिन सी आणि अँटिऑक्सिडंट्सचा उत्कृष्ट स्रोत असल्याने टोमॅटो रोगप्रतिकारक शक्ती मजबूत करतो. सर्दी, विषाणू आणि ऍलर्जीशी लढण्यास मदत करतो, विशेषतः बदलत्या हवामानात.
टोमॅटोमध्ये नैसर्गिक डिटॉक्सिफायिंग गुणधर्म असतात, जे शरीरातील विषारी पदार्थ काढून टाकण्यास मदत करतात. यकृत आणि मूत्रपिंड स्वच्छ ठेवून शरीर शुद्ध करते, ज्यामुळे ऊर्जा टिकून राहते आणि थकवा कमी होतो.