Konkan: 'वेळास' सुंदर समुद्रकिनारा लाभलेलं कासवांचे गाव

कासवांचे गाव

रत्नागिरीतील मंडणगड तालुक्यात वेळास गाव कासवांचे गाव म्हणूनही ओळखले जाते. या गावाला सुंदर समुद्रकिनारही लाभला आहे, जो पर्यटकांसाठी आकर्षणही ठरतो.

अस्सल कोकणी बाजाचे गाव

वेळास हे अस्सल कोकणी बाजाचे गाव असून जे नारळी आणि पोफळी झाडांनी नटलेलं आहे, तीन बाजूंनी डोंगरांनी वेढले असून ४ किलोमीटरचा समुद्रकिनारा लाभला आहे.

कासव संवर्धन

ऑलिव्ह रिडले जातीच्या कासवांच्या संवर्धन मोहिम राबवण्यासाठी हे गाव ओळखले जाते. कासव विणीच्या तारखा जाहीर झाल्यानंतर पर्यटकांची इथे गर्दी होते.

पर्यटनासाठी उत्तम कालावधी

वेळास येथे पर्यटनासाठी नोव्हेंबर ते मे हा कालावधी उत्तम आहे. मार्च ते मे महिन्यात होणारा कासवांचा जन्मसोहळा पाहण्यासारखा असतो. चैत्र महिन्यात येथे दुर्गादेवीचा तीन दिवसांचा उत्सवही होतो.

सीगल पक्षी अन् व्हेल मासे

येथे समुद्रकिनाऱ्यावर थंडीच्या कालावधीत सीगल पक्ष्यांचेही दर्शन होते. व्हेल माशांचेही येथे अस्तित्व दिसते.

कोकणीमेवा

उन्हाळ्यात आंबे, फणस काजू, नारळ, केळी व बागायती फळांचा स्वादही येथे घेता येतो. नारळापासून निघणाऱ्या माडीचीही चव घेता येते.

जैवविविधता

येथे जंगली श्वापदे, दुर्मीळ जीव, पक्षी निरीक्षण आणि सुक्ष्म जीवांचा आभ्यास करण्याचीही संधी येथे मिळते.

जवळची स्थानकं

वेळासला जाण्यासाठी पुरेशी वाहन व्यवस्था आहे. येथे जाण्यासाठी जवळचे रेल्वेस्टेशन रत्नागिरी असून जवळचे बसस्थानक मंडणगड आहे.

Konkan: मालवणमधील देखणा 'आचरा' समुद्रकिनारा