विदर्भातील 'लाल महल' बघितला का? इतिसाहाची देतोय साक्ष

विदर्भातील 'लाल महाल'

अमरावतीपासून अवघ्या १४ किमी अंतरावर असलेला सावरखेड येथील खोरगडे वाडा तब्बल १५० वर्षांचा इतिहास जपत आजही दिमाखात उभा आहे.

का म्हणतात 'लाल महाल'?

दूरवरूनच लक्ष वेधून घेणारा लालसर रंग आणि भव्य बांधकाम यामुळे या वाड्याला स्थानिकांनी प्रेमाने 'लाल महाल' हे नाव दिले आहे.

अप्रतिम वास्तुकला

दोन प्रशस्त चौक, सुंदर लाकडी दरवाजे, कोरीव नक्षीकाम, दगडी ओटे आणि पारंपरिक जिने या वाड्याच्या वैभवाची साक्ष देतात.

नैसर्गिक एसीची कमाल

वाड्याच्या भिंती शेण-मातीने सारवलेल्या आहेत. त्यामुळे उन्हाळ्यात गारवा आणि हिवाळ्यात नैसर्गिक उबदारपणा अनुभवायला मिळतो.

अनोखी जलव्यवस्था

बाहेरील विहिरीतून मोरीद्वारे वाड्यात पाणी आणून संपूर्ण इमारतीत फिरवण्याची अनोखी व्यवस्था आजही आश्चर्यचकित करते.

दुर्मिळ आकर्षण

वरच्या मजल्यावर जपून ठेवलेला अष्टधातूपासून बनवलेला घडी होणारा पलंग त्या काळातील उत्कृष्ट कारागिरीचे उदाहरण मानला जातो.

जपला आहे इतिहास

आजही खोरगडे परिवार हा ऐतिहासिक वाडा प्रेमाने जपतो. प्रत्येक सणाला संपूर्ण कुटुंब येथे एकत्र येऊन परंपरा जिवंत ठेवते.

नक्की भेट द्या!

विदर्भाचा इतिहास, वास्तुकला आणि सांस्कृतिक वैभव अनुभवायचे असेल, तर 'लाल महाल'ला एकदा नक्की भेट द्या.

मॉन्सूनमध्ये ट्रेकिंगचा विचार करताय? मग या सुरक्षित ठिकाणांना नक्की भेट द्या