सूरज यादव
जून महिन्यात ८ दिवसांसाठी अंतराळात गेलेल्या पण ८ महिन्यांपेक्षा जास्त काळ अडकलेल्या सुनिता विल्यम्स अन् बुच विल्मोर हे पृथ्वीवर परत येत आहेत.
भारतीय प्रमाणवेळेनुसार बुधवारी पहाटे साडेतीन वाजता सुनिता विल्यम्स आणि बुच विल्मोर पृथ्वीवर उतरतील. समुद्रात त्यांचे पॅराशूटच्या सहाय्याने लँडिंग होईल.
बुच विल्मोर यांचं वय ६१ वर्षे आहे तर सुनिता विल्यम्स या ५९ वर्षांच्या आहेत. गेल्या २८६ दिवसांपासून दोघे अंतराळात आहेत.
अंतराळात ८ दिवसांसाठी गेले असताना इतके महिने अडकल्यानंतर त्यांच्या खाण्यापिण्याची आणि इतर व्यवस्था काय होती असे प्रश्न लोकांच्या मनात आहेत.
अंतराळवीरांच्या रोजच्या आहारात व्हेज आणि नॉनव्हेज हे दोन्ही पदार्थ होते. पावडर, दूध, धान्य, पिझ्झा, रोस्ट चिकन, टूना फिश यांचा समावेश त्यांच्या जेवणात होता.
अंतराळात खाल्ले जाणारे मांसाहारी पदार्थ पृथ्वीवरच शिजवलेले असतात. अंतराळात फक्त ते गरम करण्यात येते.
अंतराळ स्थानकातील अंतराळवीराला दररोज १.७२ किलो अन्न पुरवण्यात येतं. यातलं अन्न फ्रीज, ड्राय आणि पॅक केलेलं असतं.
फूड वॉर्मरने अन्न गरम केलं जातं. मिशनच्या आपत्कालीन परिस्थिती अन्न साठवण्याची सुविधाही उपलब्ध असते.
कल्पना चावलाचा मृत्यू कसा झाला? लँडिंगच्या १६ मिनिटं आधी घडली होती दुर्घटना