Monika Lonkar –Kumbhar
उन्हाळ्याला नुकतीच सुरूवात झाली आहे. कडक उन्हाच्या झळांमुळे आरोग्याच्या अनेक समस्या निर्माण होतात.
जेव्हा पाण्याचे सेवन कमी प्रमाणात केले जाते, किंवा शरीरातील पाण्याचे प्रमाण हे लक्षणीयरित्या कमी होणे, याला डिहायड्रेशन (निर्जलीकरण) असे म्हटले जाते.
या दिवसांमध्ये तहान भागवण्यासाठी पाणी जास्त प्रमाणात प्यायले जाते. पाणी हे आपल्या शरीरासाठी किती आवश्यक आहे? हे आपल्या सर्वांनाच माहित आहे.
उन्हाळ्यात जर तुम्हाला वारंवार तहान लागत असेल, तर हे डिहायड्रेशनचे लक्षण असू शकते. याचा अर्थ तुमच्या शरीराला जास्त पाण्याची गरज आहे.
जर तुम्ही कमी प्रमाणात पाणी प्यायले असेल, तर निर्जलीकरणामुळे तुम्हाला चक्कर येऊ शकते.
शरीराला थकवा येणे हे डिहायड्रेशनचे प्रमुख लक्षण आहे. डिहायड्रेशनमुळे शरीरात थकवा येऊ शकतो किंवा अशक्तपणाची समस्या निर्माण होऊ शकते.
डिहायड्रेशनच्या समस्येमुळे तीव्र डोकेदुखी होणे आणि मायग्रेनचा त्रास संभवण्याची शक्यता असू शकते.