Pranali Kodre
भारताचा खेळाडू सरफराज खान याने गेल्या दोन महिन्यात जवळपास १७ किलो वजन कमी केले आहे. सफराजने इंस्टाग्रामवर त्याबाबत पोस्टही शेअर केली होती.
सरफराजने १७ किलो वजन कमी करण्यासाठी व्यायामासोबतच त्याच्या डाएटवरही लक्ष दिले होते. सरफराजचे वडील नौशाद खान यांनी त्याच्या डाएटबाबत हिंदुस्तान टाईम्सशी बोलताना खुलासा केला आहे.
नौशाद यांनी सांगितले की गेल्या दीड महिन्यापासून त्यांच्या घरात पोळी आणि भात बनत नाही. त्यांनी हे खाणं बंद केलं आहे.
त्यांनी सांगितले की आता सरफराजच्या डाएटमध्ये ब्रोकोली, गाजर, काकडी, सॅलड, हिरव्या पालेभाज्या, ग्रिल्ड चिकन, ग्रिल्ड फिश, उकडलेले चिकन, उकडलेली अंडी, असे पदार्पण असतात.
याशिवाय त्यांनी सांगितले की त्याच्या डाएटमध्ये ग्रीन टी आणि ग्रीन कॉफीचाही समावेश आहे.
दरम्यान अनेकांना ग्रीन कॉफीबद्दल फारसे माहित नाही. त्याबाबतच थोडक्यात जाणून घेऊ.
ग्रीन कॉफी म्हणजे न भाजलेले कॉफी बीन, यात नैसर्गिकपणे क्लोरोजेनिक ऍसिड नावाचे अँटिऑक्सिडंट भरपूर प्रमाणात असते.
कॉफी बीन्स भाजल्यानंतर त्याचा रंग तपकिरी होतो, त्यातून आपण पितो ती नेहमीची साधी कॉफी बनते. पण कच्च्या कॉफी बीन्सपासून बनवलेली कॉफी म्हणजे ग्रीन कॉफी
ग्रीन कॉफीमधील क्लोरोजेनिक ऍसिडमळे शरिरातील चयापचय (metabolism) क्रिया सुधारते. ज्यामुळे वजन कमी होण्यास मदत होते.
याशिवाय ग्रीन कॉफीमुळे रक्तदाब नियंत्रित राहण्यास मदत होते. याशिवाय साखरेची पातळीही नियंत्रित राहते.
ग्रीन कॉफीमध्ये अँटिऑक्सिडंट्स भरपूरप्रमाणात असल्याने आरोग्यही निरोगी ठेवण्यात मदत होते.
ज्यांना हळुहळू वजन कमी करायचे आहे, त्यांच्यासाठी ग्रीन कॉफी उपयुक्त आहे. पण फक्त कॉफीवर विसंबून राहून चालणार नाही, त्यासाठी व्यायाम आणि योग्य डाएटही महत्त्वाचा आहे.