Saisimran Ghashi
दुसऱ्या व तिसऱ्या स्थानावरील उमेदवार ईव्हीएमच्या बर्न्ट मेमरी व मायक्रो कंट्रोलर तपासणीसाठी अर्ज करू शकतात.
मतमोजणीनंतर सात दिवसांत जिल्हा निवडणूक अधिकारी कार्यालयाकडे Annexure-I या नमुन्यात अर्ज करणे आवश्यक.
एकूण मतदान केंद्रसंख्येच्या पाच टक्के मर्यादेत ईव्हीएमच्या बर्न्ट मेमरी व मायक्रो कंट्रोलर तपासणीकरिता अर्ज करता येतो.
पसंतीनुसार मतदान केंद्राचे सीयू/बीयू व व्हीव्हीपॅटची निवड उमेदवार करू शकतात.
अन्य जिल्ह्यांतूनदेखील ईव्हीएम पडताळणीचे अर्ज प्राप्त झाल्यास जिल्हानिहाय अर्ज एकत्रित करून मतमोजणीपासून तीस दिवसांत मुख्य निवडणूक अधिकारी कार्यालयाकडून भारत निवडणूक आयोगाकडे व BEL/ECIL कंपनीकडे पाठविण्यात येतील.
न्यायालयात याचिका नसल्यास दोन आठवड्यांच्या आत BEL/ECIL कंपनीकडून जिल्हानिहाय ईव्हीएमच्या बर्न्ट मेमरी व मायक्रो कंट्रोलर तपासणीचे वेळापत्रक कळविण्यात येईल.
त्यानुसार जिल्हा निवडणूक अधिकाऱ्यांकडून किमान पाच दिवस अगोदर संबंधित उमेदवारांना कळविले जाईल.
वेळापत्रकानुसार BEL/ECIL कंपनीच्या अभियंत्यांच्या उपस्थितीत उमेदवारांसमक्ष तपासणीची प्रक्रिया पूर्ण करण्यात येईल.