सकाळ डिजिटल टीम
दलदल ससाणा (Eurasian Marsh Harrier), पाणघार किंवा दलदल भोवत्या हा पाणस्थळ जागी आढळणारा शिकारी पक्षी आहे.
हा पक्षी पश्चिम युरोप व आफ्रिकेत राहतो. मात्र, हिवाळ्यात भारत व अन्य उष्णकटिबंधीय देशांमध्ये येतो.
५५ ते ६० सेंटिमीटर आकाराचा हा मोठा पक्षी बेडूक, मासे, छोटे पक्षी, छोटे सस्तन प्राणी यांची शिकार करून खातो.
याच्या पंखांचा विस्तार १३० ते १४० सेंटिमीटर इतका प्रचंड असतो, तर वजन ६०० ते ७०० ग्रॅम इतके असू शकते.
या प्रजातीमध्ये रंगावरून नर आणि मादीमध्ये फरक सांगता येतो. नर गडद तपकिरी वर्णाचा; डोके, छाती व मान फिकट तांबूस.
पंख व शेपटीवर करडी पिसे, पंखांची टोके काळी अशा रंगांचा असतो.
तर मादी एकंदरीत चॉकलेटी तपकिरी वर्ण, टोपी, घसा व पंखांची समोरील बाजू खांद्याजवळ फिकट पिवळसर असते.
दलदल ससाणा पाणघार किंवा दलदल भोवत्या हा पाणस्थळ जागी आढळणारा शिकारी पक्षी आहे.
जोडी मार्च ते मे या दरम्यान ५ ते ८ अंडी देऊन त्यांचे संगोपन करते, अशी माहिती पक्षिमित्र तेजस भिडे यांनी दिली.