Shubham Banubakode
ज्योती मल्होत्रा ही हरियाणातील एक प्रसिद्ध युट्यूबर आणि ट्रॅव्हल व्ह्लॉगर आहे. ती ‘ट्रॅव्हल विथ जो’ नावाने युट्यूब चॅनेल चालवते.
ज्योतीवर पाकिस्तानसाठी हेरगिरी करून भारताची संवेदनशील माहिती पुरवल्याचा गंभीर आरोप आहे. हिसार पोलिसांनी तिला अटक केली आहे.
२०२३ मध्ये ज्योतीने पाकिस्तान उच्चायुक्तालयामार्फत व्हिसा घेऊन पाकिस्तानचा दौरा केला होता. यावेळी ती पाकिस्तानी गुप्तचर एजंट्सच्या संपर्कात आली.
ज्योतीची पाकिस्तान उच्चायुक्तालयातील कर्मचारी दानिशशी जवळीक होती. त्याने तिची आयएसआय एजंट्सशी ओळख करून दिली. भारताने दानिशला १३ मे २०२५ रोजी ‘पर्सोना नॉन ग्राटा’ घोषित करून देश सोडण्याचे आदेश दिले.
ज्योतीने इंस्टाग्रामवर पाकिस्तानशी संबंधित अनेक व्हिडिओ आणि रील्स शेअर केले, ज्यात तिने पाकिस्तानबद्दल सकारात्मक माहिती प्रसारित केली.
ज्योतीने पहलगाम दहशतवादी हल्ल्यापूर्वी जानेवारीत श्रीनगर आणि पहलगामची रेकी केली होती. त्यानंतर मार्च २०२५ मध्ये ती पुन्हा पाकिस्तानला गेली, ज्यामुळे संशय वाढला.
ज्योतीवर भारतीय दंड संहिता (BNS) कलम १५२ आणि ऑफिशियल सिक्रेट्स ॲक्ट १९२३ च्या कलम ३, ४, ५ अंतर्गत गुन्हा दाखल झाला आहे. तिला ५ दिवसांच्या पोलीस रिमांडवर पाठवण्यात आले.
या प्रकरणात ज्योतीसह एकूण सहा जणांना अटक करण्यात आली आहे. हरियाणा आणि पंजाबमधून इतर संशयितांना ताब्यात घेण्यात आले, जे पाकिस्तानी हेरगिरी नेटवर्कशी जोडलेले होते.
गुप्तचर यंत्रणा ज्योतीच्या प्रकरणात हनीट्रॅप अँगलची चौकशी करत आहेत. दानिशसोबतच्या तिच्या जवळच्या संबंधांमुळे हा संशय बळावला आहे.