Pranali Kodre
भारत - ऑस्ट्रेलिया यांच्यातील बॉक्सिंग डे कसोटीच्या पहिल्याच दिवशी सॅम कॉन्स्टास हे नाव चांगलंच गाजलं.
अवघा १९ वर्षांच्या कॉन्स्टासने पहिलाच सामना खेळताना जसप्रीत बुमराहला झोडपलं. ७ व्या ओव्हरमध्ये १४ आणि ११ ओव्हरला १८ धावा चोपल्या.
इतकंच नाही, तर त्याने विराट कोहलीशी भांडणही केलं, पण हा कॉन्स्टास आहे तरी कोण?
२ ऑक्टोबर २००५ला त्याचा जन्म झाला.
त्याने शालेय क्रिकेटपासूनच त्याची प्रतिभा दाखवायला सुरुवात केली. त्याने पुढे वयोगटातील क्रिकेट गाजवलं.
२०२३ मध्ये न्यू साऊथ वेल्सकडून फर्स्ट क्लास क्रिकेटमध्ये पदार्पण केलं. त्याने ११ फर्स्ट क्लास सामने खेळताना ४२ च्या सरासरीने ७१८ धावा केल्यात.
त्याने या मालिकेत खेळण्यापूर्वी शेफिल्ड शिल्डमध्ये साऊथ ऑस्ट्रेलियाविरुद्ध दोन्ही डावात शतके केलेली.
अंडर-१९ वर्ल्ड कप २०२४ स्पर्धाही ऑस्ट्रेलियाला जिंकून देण्यात त्याचा मोलाचा वाटा होता.
नोव्हेंबरमध्येही त्याने भारत अ संघाविरूद्धच्या चांगली कामगिरी केलेली. त्यामुळे त्याचे नाव ऑस्ट्रेलियाच्या क्रिकेट वर्तुळात बऱ्याच दिवसापासून चर्चेत होते.