सकाळ डिजिटल टीम
आपण अनेकदा बौद्ध भिक्षूंना लाल किंवा मरून रंगाच्या वस्त्रांमध्ये पाहतो.
बौद्ध धर्मात हा रंग केवळ पोशाख नसून त्यामागे खोल आध्यात्मिक आणि सांस्कृतिक अर्थ दडलेला आहे.
भगवान बुद्धांच्या काळात भिक्षू नेहमी जुन्या, टाकाऊ कपड्यांपासून वस्त्रे तयार करत असत.
ही वस्त्रे हळदीसारख्या नैसर्गिक रंगांनी रंगवली जात असत. त्या काळी रंगांच्या निवडीपेक्षा साधेपणावर भर होता.
तिबेटमध्ये हळद किंवा केशरसारखे पिवळसर रंग सहज उपलब्ध नव्हते. त्यामुळे तिथल्या भिक्षूंनी स्थानिक वनस्पतींच्या मुळांपासून मिळणारा लाल किंवा तपकिरी रंग वापरण्यास सुरुवात केली. हळूहळू हा रंग तिथल्या बौद्ध भिक्षूंमध्ये परंपरेचा भाग बनला.
बौद्ध धर्मात लाल रंग धैर्य, करुणा, ऊर्जा आणि शक्तीचे प्रतीक मानला जातो.
तसेच, या रंगामुळे नकारात्मक ऊर्जा आणि भावना दूर राहतात, असा भिक्षूंचा विश्वास आहे. त्यामुळे हा रंग आजही त्यांच्या जीवनशैलीत महत्त्वाचा आहे.
आजही जगभरातील बौद्ध भिक्षू हेच लाल किंवा मरून वस्त्र परिधान करतात. हे वस्त्र त्यांच्या साधेपणाचे, तपस्येचे आणि आध्यात्मिक शिस्तीचे प्रतीक आहे.