सकाळ वृत्तसेवा
सुनीता यांच्या करिअरची सुरुवात यूएस नेव्हीमधून झाली. 1987 मध्ये त्यांनी हेलिकॉप्टर पायलट होण्यासाठी प्रशिक्षण घेतले.
त्यांनी आखाती युद्धात भाग घेतला होता, इराकमध्ये नो-फ्लाय झोन लागू करण्यात मदत केली आणि मियामीला हरिकेन अँड्र्यू रिलीफ मिशनमध्ये महत्त्वाची भूमिका बजावली.
त्यांची कठीण परिस्थितीत काम करण्याची क्षमता याने नासाचे लक्ष वेधून घेतले. आणि त्यानंतर जून 1998 मध्ये नासाने सुनीता यांची निवड केली.
नासामध्ये अंतराळवीर बनणे सोपे नाही. सुनीता विल्यम्स यांची निवड करण्यामागे अनेक कारणे होती.
सर्वप्रथम सुनीता यांनी नौदलात पायलट असताना अनेक महत्त्वाच्या मोहिमा पूर्ण केल्या होत्या. पदव्युत्तर पदवी आणि तांत्रिक क्षमतांमुळे त्या नासासाठी योग्य उमेदवार बनल्या.
अंतराळ मोहिमांसाठी शारीरिक आणि मानसिक क्षमता देखील खूप महत्त्वाची आहे, ज्यामध्ये त्या अतिशय उत्कृष्ट होत्या.
NASA मध्ये निवड झाल्यानंतर, त्यांनी रोबोटिक्स शाखेत काम केले आणि ISS च्या रोबोटिक आर्ममध्ये संशोधन केले.
त्यांनी NASA च्या NEEMO2 मिशनमध्ये भाग घेतला, ज्यामध्ये त्यांनी पाण्याखाली नऊ दिवस वास्तव्य केले आणि वैज्ञानिक संशोधन केले. यावरून त्या कठीण परिस्थितीशी जुळवून घेऊ शकतात हे सिद्ध झाले.