Pranali Kodre
भारताचा दिग्गज क्रिकेटपटू विराट कोहली लोकप्रिय खेळाडूंपैकी एक आहे.
विराटला चिकू असं टोपननावही आहे आणि या नावामागील कहाणीही रंजक आहे.
विराटने अनेकदा त्याच्या नावामागील कहाणी सांगितली आहे. त्याच्या म्हणण्यांनुसार माजी कर्णधार एमएस धोनीने हे नाव प्रसिद्ध केलं.
धोनी अनेकदा मैदानात विराटला चिकू म्हणून आवाज देत असल्याने स्टंप माईकमध्ये ते कैद झालं आणि सर्वांना विराटचं टोपननाव माहित झालं.
पण, त्याला हे नाव धोनीने दिलेलं नाही, तर प्रथम श्रेणी क्रिकेटमधील एका प्रशिक्षकाने दिले आहे.
विराटने सांगितले की साधारण २००७ च्या दरम्यान त्याचे गोबरे गाल होते. त्याचवेळी त्याला केस गळत आहेत असं वाटत असल्याने त्याने ते अगदी बारीक कापले होते.
अगदी बारीक केस कापल्याने त्याचे मोठे कान आणि गोबरे गाल उठून दिसत होते, त्यामुळे प्रशिक्षकाने तो चंपक या कॉमिकमधील चिकू सश्यासारखा दिसत असल्याचे म्हणत त्याला हे टोपननाव दिलं.
त्यापुढे त्याच्यासोबतच हे टोपननाव राहिलं. त्याचे अनेक संघसहकारी आजही त्याला या टोपननावाने बोलवतात.
पण, हा चिकू आता क्रिकेटमधील मोठा सुपरस्टार झाला असून तो आता क्रिकेटवर्तुळात 'किंग कोहली' म्हणूनही ओळखला जातो.