स्ट्रीट शॉपिंग

स्वस्तात मस्त स्ट्रीट शॉपिंग करायचंय का? योग्य टिप्स माहिती असतील, तर कमी बजेटमध्येही स्टायलिश आणि दर्जेदार खरेदी सहज शक्य होते.

आजूबाजूला फिरा

एकाच दुकानातून खरेदी करू नका. आसपासच्या स्टॉल्स आणि दुकानांमध्ये फेरफटका मारा. तुलनेत चांगली वस्तू कमी किमतीत मिळू शकते.

घासाघीस महत्त्वाची

स्ट्रीट शॉपिंगमध्ये दर ठरलेले नसतात. आत्मविश्वासाने बोलणी करा. योग्य घासाघीस केली, तर किंमत नक्कीच कमी होते.

वस्तू नीट तपासा

खरेदीपूर्वी वस्तू बारकाईने तपासा. रंग, साईज, शिवणकाम किंवा कापडाचा दर्जा नीट पाहिल्यास नंतर पश्चात्ताप टाळता येतो.

दर्जाला प्राधान्य द्या

स्वस्त वस्तू घेताना दर्जाकडे दुर्लक्ष करू नका. त्वचेस त्रासदायक ठरू शकणारे कापड टाळा आणि आरामदायक, टिकाऊ वस्तू निवडा.

आपलं माप माहिती ठेवा

स्ट्रीट शॉपिंगमध्ये ट्रायलची सोय नसते. त्यामुळे स्वतःचं अचूक माप लक्षात ठेवलं, तर योग्य कपडे निवडणं सोपं जातं.

कॅश आणि पिशवी ठेवा

सर्वत्र ऑनलाइन पेमेंट शक्य नसतं. थोडी रोख रक्कम आणि कापडी पिशवी सोबत ठेवल्यास खरेदी अधिक सोयीची होते.

सुरक्षितता जपा

गर्दीच्या ठिकाणी शॉपिंग करताना पर्स, मोबाईल आणि पैसे सुरक्षित ठेवा. सतर्क राहिल्यास चोरीचा धोका सहज टाळता येतो.

Royal Kurti Look: एक दुपट्टा, पूर्ण मेकओव्हर! फुलकारीमुळे कुर्ती दिसेल रॉयल