अनिरुद्ध संकपाळ
भारताचा माजी वेगवान गोलंदाज अजित आगरकरची सध्या भारतीय क्रिकेट वर्तुळात जोरदार चर्चा सुरू आहे.
अजित आगरकर बीसीसीआयच्या निवडसमितीचा अध्यक्ष पदाच्या शर्यतीत आघाडीवर आहे. त्याच्यासाठी बीसीसीआय निवडसमिती अध्यक्षाला देण्यात येणाऱ्या पगारात देखील वाढ करण्यासाठी तयार झालं आहे.
दरम्यान, अजित आगरकर निवडसमिती अध्यक्ष होणार म्हटल्यावर त्याच्या कारकिर्दीची अन् वैयक्तिक आयुष्याची देखील चर्चा सुरू झाली आहे.
अजित आगरकरची लव्ह स्टोरी देखील जबरदस्त आहे. त्याने फातिमाला अनेक वर्षे डेट केल्यानंतर 2002 मध्ये लग्न केले.
फातिमा ही त्याचा भाऊ मझहरसोबत अजित आगरकरचे सामने पाहण्यासाठी जात होती. त्याचवेळी अजित आणि फातिमाची ओळख झाली. मझहर हा आगरकर सोबत स्थानिक क्रिकेट खेळायचा. या दोघांचे लग्न होण्यात मझहरचा मोलाचा वाटा आहे.
या ओळखीनंतर भेटीगाठी वाढू लागल्या अन् हे दोघे एकमेकांच्या प्रेमात पडले. अजित आगरकरची पत्नी मुस्लिम असल्याने या लग्नाला दोघांच्या घरातून विरोध होता.
मात्र हा विरोध झुगारून अजित आगरकर आणि फातिमा यांनी लग्न करण्याचा निर्णय घेतला. या दोघांनी 1999 मध्ये पहिली मुलाखत दिली होती. त्यानंतर 2002 मध्ये या दोघांनी लग्नगाठ बांधली. त्यांना राज नावाचा मुलगा देखील आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.