'तो पाकिस्तानी अभिनेता माझा..',अमिषा स्पष्टच बोलली

'गदर' फेम अमिषा पटेल पाकिस्तानी अभिनेता इमरान अब्बासला डेट करतेय ही बातमी समोर आली सबंध हिंदुस्थानात तिची निंदा केली जाऊ लागली.

या सगळ्या बातम्या उठल्या ते अमिषाने सोशल मीडियावर एक व्हिडीओ पोस्ट केल्यानं. या व्हिडीओत अमिषा इमरान अब्बाससोबत तिच्या 'क्रांती' सिनेमातील गाण्यावर नाचताना दिसली होती.

आता अमिषानं इमरान अब्बाससोबतच्या अफेअरच्या अफवांवर चु्प्पी तोडत स्पष्टिकरण दिले आहे.

अमिता ४६ वर्षाची तर तर इमरान ३९ वर्षांचा आहे. दोघांच्या रोमॅंटिंक व्हिडीओनं लोकांनी कुठवर अंदाज बांधले होते हे शब्दात सांगता यायचं नाही.

अमिषानं चुप्पी तोडत व्हिडीओमागचं सत्य समोर आणलं आहे. ती म्हणाली आहे,''माझ्याविषयीच्या अफेअरच्या बातम्यांवर मला हसू येत आहे''.

अमिषा पुढे म्हणाली,''या बातम्या म्हणजे मुर्खाचं लक्षण आहे. मी अनेक वर्षांनी माझ्या मित्राला भेटले होते आणि ती फक्त एक भेटच होती''.

''काही दिवसांपूर्वी अब्बासला बहरीनमध्ये भेटले होते. तेव्हा मजेमजेत हा व्हिडीओ बनवला,बस्स बाकी काही नाही आमच्यात...'', असं अमिषा म्हणाली.