प्रणाली मोरे
बॉलीवूड,टॉलीवूड आणि भोजपूरी सिनेमांत व्यस्त असलेले अशोक समर्थ मोठ्या ब्रेकनंतर मराठीत परतले आहेत.
'तू तेव्हा तशी' मालिकेत ते आकाश जोशी हे खलनायकी पात्र रंगवताना दिसत आहेत.
मराठी इंडस्ट्रीत आपल्याला रमू दिलं नाही म्हणून आपण मराठीत दिसलो नाही असं जरा स्पष्टच समर्थ म्हणाले. सकाळ पॉडकास्ट मुलाखतीत त्यांनी असं म्हटलं आहे.
अशोक समर्थ बारामतीकर आहेत. त्यामुळे राष्ट्रवादी कॉंग्रेसचे सर्वेसर्वा शरद पवार यांच्याविषयी त्यांच्या मनात प्रचंड जिव्हाळा असणं हे ओघानं आलंच.
'सिंघम'नंतर काही कारणासाठी बारामतीत गेलो असताना पवारांशी जवळून संपर्क आला. त्यांचं व्हिजन मी जवळून पाहिलं,अनुभवलं त्यानंतर मी हेच म्हणेन की,'शरद पवारांना कुणी ओळखलंच नाही अजून...'
शरद पवार यांनी अशोक समर्थांनी दिग्दर्शित केलेला 'जननी' हा तब्बल अडीच तासांचा सिनेमा रिलीज आधी वेळ काढून पाहिला आहे. या सिनेमाला आंतरराष्ट्रीय पातळीवर गौरविलेलं आहे.
शरद पवार आणि अजित दादा पवार यांच्यामुळेच आपल्याला मुंबईत आल्यावर छप्पर नशीब झालं असं अशोक समर्थ यांनी आवर्जुन सांगितलं. समर्थ स्ट्रगल काळात मुंबईत आमदार निवासमध्ये राहायचे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.