Sudesh
देशाची महत्त्वाकांक्षी चांद्रमोहीम आता अंतिम टप्प्यात पोहोचली आहे. चांद्रयान-3 हे काही दिवसांमध्येच चंद्रावर सॉफ्ट लँडिंग करणार आहे. 14 जुलै रोजी चांद्रयानाचं प्रक्षेपण करण्यात आलं होतं.
केवळ 140 कोटी भारतीयांच्याच नव्हे, तर संपूर्ण जगाच्या नजरा या मोहिमेकडे टिकून आहे. बहुतांश देश हे चांद्रयान मोहिमेच्या यशासाठी प्रार्थना करत आहेत.
चांद्रयान-3 मोहिमेच्या यशाचा फायदा हा केवळ भारतालाच नाही; तर जगातील कित्येक देशांना होणार आहे. विशेष म्हणजे अमेरिकेला याचा सर्वात जास्त फायदा होणार आहे.
चांद्रयान-1 ने चंद्रावर पाण्याचे अंश दिसत असल्याचं स्पष्ट केलं होतं. याचीच आणखी तपासणी चांद्रयान-3 चंद्राच्या पृष्ठभागावर उतरून करेल.
चांद्रयान-3 चंद्राच्या ज्या भागात उतरणार आहे, तो आतापर्यंत मानवापासून लपून राहिला आहे. त्यामुळे या भागातून भारताला जी माहिती मिळेल, ती संपूर्ण जगासाठी नवीन असणार आहे.
आपली सूर्यमाला जेव्हा तयार झाली, तेव्हाचे काही पुरावे चंद्राच्या लपलेल्या भागात असण्याची शक्यता आहे. याचाही शोध चांद्रयान-3 च्या माध्यमातून घेण्यात येणार आहे.
चांद्रयान-3 जो डेटा गोळा करेल, त्याचा फायदा या पुढील आर्टेमिस ह्यूमन लँडिंगसाठी होऊ शकतो. सोबतच, भविष्यात आर्टेमिस अकॉर्ड्समधील कोणताही देश चंद्रावर जाण्याचा प्रयत्न करेल, तेव्हा ही माहिती त्यांच्या फायद्याची ठरू शकते.
यावर्षी जून महिन्यात पंतप्रधान नरेंद्र मोदी हे अमेरिका दौऱ्यावर होते. यावेळी त्यांनी आर्टेमिस करारांवर स्वाक्षरी केली. यानंतर आर्टेमिस अकॉर्ड्समध्ये सहभागी होणारा भारत 26 वा देश झाला.
अमेरिकेची स्पेस एजन्सी नासाने जगभरातील कित्येक देशांसोबत आर्टेमिस करार केला आहे. यानुसार, अंतराळात अडकलेल्या कोणत्याही देशाच्या अंतराळवीर किंवा उपग्रहांना मदत करण्यासाठी इतर देश प्रतिबद्ध आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.