रोहित कणसे
राज्यातल्या शिवप्रेमींसाठी अभिमानास्पद बाब समोर आली असून १६ नोव्हेबरला शिवरायांची वाघनखं ही मुंबईत आणली जाणार आहेत.
छत्रपती शिवाजी महाराजांची वाघनखे लंडन वरून परत आणण्याच्या हालचालींना वेग आला असून सांस्कृतिक कार्य मंत्री सुधीर मुनगंटीवार उद्याच लंडनला रवाना होणार आहेत.
लंडन मधील व्हिक्टोरिया आणि अल्बर्ट वस्तू संग्रहालयासोबत ३ ऑक्टोबरला करार करण्यात आला असून पुढील ३ वर्षांसाठी वाघनखे महाराष्ट्रात आणण्याची प्रक्रिया सुरु आहे.
त्यानुसार १६ नोव्हेंबरला शिवरायांच्या वाघनखांचे मुंबईत आगमन होणार आहे.
१७ नोव्हेंबरला सातारा येथील श्री छत्रपती शिवाजी महाराज वस्तुसंग्रहालयात वाघनखांची स्थापना करण्यात येईल.
तर १७ नोव्हेंबर २०२३ ते २४ ऑगस्ट २०२४ दरम्यान वाघनखे सातारा येथेच प्रदर्शनासाठी ठेवली जातील.
एप्रिल २०२५ ते नोव्हेंबर २०२५ या काळात वाघनखं कोल्हापूर येथील शासकीय संग्रहालयात ठेवली जातील.
नोव्हेंबर २०२५ ते नोव्हेंबर २०२६ दरम्यान वाघनखे मुंबईतील छ्त्रपती शिवाजी महाराज वस्तुसंग्रहालयात प्रदर्शनासाठी ठेवली जातील.
१६ नोव्हेंबर २०२६ रोजी वाघनखे पुन्हा लंडनला व्हिक्टोरिया आणि गिल्बर्ट वस्तुसंग्रहालयात पाठवली जातील.
त्यामुळे या कालावधीत आपल्या सगळ्यांना शिवरायांच्या वाघनखांचं दर्शन घेता येणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.