दिल्ली बुडाली, पण ताजमहाल नाही; रहस्य की आणखी काही?

दिल्लीमध्ये पूराचं थैमान सुरु असतानाच आता यमुनेचं पाणी थेट ताजमहालापर्यंत पोहचलं आहे.

महालापर्यंत पूराचं पाणी पोहोचलं खरं पण, ते संरक्षक भींतीपर्यंतच आलं असून, मुख्य वास्तूला मात्र ते स्पर्शू शकलेलं नाही

या वास्तूचं स्थापत्य आणि त्याची अनोखी रचना यास कारणीभूत ठरत असल्याचं ASI नं स्पष्ट केलं.

ASI च्या प्रिन्स वाजपेयी यांनी यमुनेचा पूर आणि ताजमहालासंबंधी माहिती दिली आहे.

ताजमहालाची बांधणीच मुळात अशा पद्धतीनं करण्यात आली होती की, त्याच्या मुख्य वास्तूमध्ये (मध्यभागी असणाऱ्या भव्य कबरीमध्ये) पूराचं पाणी शिरुच शकणार नाही'.

1978 मध्ये जेव्हा यमुनेची पाणी पातळी वाढली होती त्यावेळीसुद्धा अशाच पद्धतीनं ताजमहालाच्या मागच्या बाजूस असणाऱ्या भींतीपर्यंतच पूराचं पाणी पोहोचलं होतं.

1978 मध्ये अशीच परिस्थिती ओढावल्यामुळं दिल्ली जलमय झाली होती. ताजमहालाच्या बसई घाट बुरूजापर्यंत हे पाणी पोहोचलं होतं.

पूराच्या पाण्याची पातळी इतकी होती की ताजमहालाच्या तळघरात असणाऱ्या 22 खोल्यांमध्ये पाण्याचा शिरकाव झाला होता.

ज्यानंतर ASI कडून ज्या लाकडी दरवाजांतून पाणी आत आलं ते काढून तिथं भक्कम भींती उभारण्यात आल्या.