Aishwarya Musale
पावसात भिजल्यामुळे अनेकदा लोक आजारी पडतात. म्हणून अनेकांना इच्छा असूनही पावसाचा आनंद घेता येत नाही.
मात्र आपण पावसात भिजलोच तर आजारपण टाळण्यासाठी तुम्ही काही सोप्या उपायांचा अवलंब करू शकता. आज आम्ही तुम्हाला यासाठी काही खास टिप्स सांगणार आहोत.
पावसात भिजलेले केस सुकवणे बऱ्याचदा कठीण होते. त्यामुळे तुम्हाला सर्दी होण्याचा धोका असतो. म्हणून अचानक पाऊस आल्यास सर्वप्रथम आपले डोके कशाने तरी झाकावे.
पावसात भिजल्यानंतर जास्त वेळ ओले कपडे घालणे म्हणजे रोगाला आमंत्रण देण्यासारखे आहे. त्यामुळे लवकरात लवकर ओले कपडे बदलण्याचा प्रयत्न करा.
पावसाच्या पाण्यात भिजल्यामुळे दाद, खरुज, खाज सुटणे यांसारख्या त्वचेच्या संसर्गालाही तुम्ही बळी पडू शकता.
म्हणून भिजल्यामुळे होणारे दुष्परिणाम टाळण्यासाठी अँटी-बॅक्टेरियल क्रीमची मदत घ्या. अँटी-बॅक्टेरियल क्रीम शरीरातील बॅक्टेरिया नष्ट करण्यासाठी उपयुक्त ठरेल.
पावसात भिजल्यावर थंडी जाणवणे स्वाभाविक आहे. त्यामुळे सर्दी आणि ताप टाळण्यासाठी गरम चहा पिण्यास विसरू नका. चहा प्यायल्याने तुमच्या शरीराचे तापमान तर सामान्य होईल.
काही लोक पावसात पायांची काळजी घेणे टाळतात. घरी आल्यानंतर पाय चांगले धुतल्यानंतर अँटी-बॅक्टेरियल क्रीम लावायला विसरू नका.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.