साक्षी राऊत
लग्नानंतर प्रत्येकाचा अनुभव हा वेगवेगळा असू शकतो. लग्नानंतर काहीचं आयुष्य हे आनंददायी होतं तर काहींच्या आयुष्याचं वाटोळं होतं.
आतापर्यंतच्या आकड्यानुसार घटस्फोटाचे प्रमाण महिलांमध्ये सर्वाधिक असल्याचे दिसून येते. नात्यात सर्वाधिक अत्याचार या बायका सहन करत असतात. कारण त्यांना त्यांच्या अधिकारांबाबत योग्य माहिती नसते.
हिंदू मॅरेज अॅक्ट सेक्शन १३ अंतर्गत कुठलीही महिलाच्या तिच्या पतीच्या सहमतीशिवाय घटस्फोट घेऊ शकते. जर तिच्या नवऱ्याने तिचा मानसिक किंवा शारीरिक छळ केला असेल तर तिला हा अधिका शासनानेच दिलाय.
हिंदू उत्तराधिकार अधिनियम १९५६ आणि हिंदू मॅरेज अॅक्ट १९५५ मध्ये सेक्शन २७ अंतर्गत महिला त्यांचा मालकी हक्क मागू शकतात. तिच्या या हक्कांचं हनन होत असेल तर ती तक्रार करू शकते.
महिलेच्या पतीचा मृत्यू झाला असेल किंवा तिच्या घरचे तिला बळजबरीने माहेरी पाठवत असेल तर तिला हक्काने सासरी राहण्याचा अधिकार आहे.
घटस्फोटानंतरसुद्धा महिलेला तिच्या मुलांची कस्टडी मागण्याचा अधिकार आहे. ती सासर सोडून जातानासुद्धा तिच्या मुलांना नेण्याचा तिला पूर्ण अधिकार असतो.
द मेडिकल टर्मिनेशन ऑफ प्रेग्नंसी अॅक्ट १९७१ अंतर्गत महिला तिला हंव तेव्हा अबॉर्शन करू शकते. त्यासाठी तिला तिच्या सासरच्यांची परमिशन घेण्याची गरज नसते.
The Hindu Succession Act 1956 नुसार 2005 मध्ये झालेल्या संशोधनानुसार मुलगी लग्न झालेली असो किंवा नसो तिला तिच्या पित्याच्या संपत्तीत बरोबरीचा हक्क आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.