साप विषारी आहे की नाही कसं ओळखतात? जाणून घ्या

साप हा जगातील सर्वात विषारी प्राणी मानला जातो, काही साप तर इतके विषारी असतात की ते माणसाला चावल्यास त्याचा मृत्यू होतो.

अनेक वेळा साप चावल्यानंतर तो साप विषारी होता की नाही हे कळत नाही. दरम्यान आज आपण विषारी साप कसा ओळखायचा याबद्दल जाणून घेणार आहोत.

काही रिपोर्टनुसार साप विषारी आहे की नाही हे त्याचे डोळे पाहूण देखील ओळखलं जाऊ शकतं . विषारी सापांच्या डोळ्याची बाहुली ही सामान्यतः चिरलेली किंवा अंडाकृती असते, तर बिनविषारी सापांची बाहुली सामान्यतः गोल असतात.

मांजरीच्या डोळ्यांप्रमाणेच, बहुतेक विषारी सापांच्या डोळ्यातील बाहुली पातळ, काळी, उभी आणि पिवळ्या-हिरव्या गोलांनी वेढलेली असते. पण, याला देखील काही अपवाद आहेत.

तर एका रिपोर्टनुसार, बिनविषारी सापांचे डोके गोल असते, तर विषारी सापांचे डोके बहुतांशी त्रिकोणी असते.

विषारी सापाच्या डोक्याचा आकार भक्षकांना घाबरवणारा असतो. तर, काही बिनविषारी साप देखील विषारी सापांच्या त्रिकोणी आकाराची नक्कल करतात, जेणेकरून शिकारी पळून जावा.

बहुतेक विषारी सापांच्या डोक्यावर एक प्रकारचा खड्डा असतो. त्याच्या हनुवटीवर देखील दोन खड्डे दिसतात. त्यामुळे साप मेल्यानंतरही त्याच्या डोक्याला हात लावू नये, असे म्हटले जाते.

विषारी साप हा त्याच्या वर्तवणूकीतून देखील ओळखणे शक्य होते, मात्र फक्त सर्प तज्ञच त्यांच्यात फरक करू शकतात. विषारी साप कोणी जवळ येताना दिसले की ते जोरात आवाज करतात. ते घाबरवण्याचा प्रयत्न करतात. याशिवाय त्यांचे शेपूट वेगाने हलू लागते.

बहुतेक विषारी सापांना पाण्याजवळ राहायला आवडते. पण भारतीय सापांमध्ये याबाबतीत फरक आढळतो, भारतीय सापहे उष्ण ठिकाणी राहतात. भारतात आढळणारे बहुतेक विषारी साप पिवळे, तपकिरी आणि काळा रंगाचे असतात.

आयुर्वेदानुसार दही खाण्याची पद्धत आणि योग्य वेळ, जाणून घ्या