सकाळ डिजिटल टीम
आयफोनचा नाद जगभरात सर्वांनाच आहे. आज अॅप्पलचा नवा आयफोन १४ लाँच होत आहे. या फोनची सर्वजण वाट पाहतायत.
मात्र एका देशात या आयफोनवर बंदी घालण्यात आली आहे. त्यामुळे त्या देशातल्या लोकांचा हिरमोड होणार आहे.
ब्राझीलमधल्या न्याय मंत्रालयाने अॅपलला २.३८ मिलियन डॉलरचा दंड ठोठावला आहे आणि आयफोन १२ सह सगळ्या नव्या मॉडेल्सची विक्री रद्द केली आहे.
तसंच जे आयफोन चार्जरशिवाय मिळतील, त्यांची विक्रीही थांबवण्याचे आदेश दिले आहेत.
आयफोनकडून ग्राहकांशी भेदभाव होत असल्याचं म्हटलं आहे. कंपनीकडून फोनचा चार्जर दिला जात नसल्याने मंत्रालयाने आक्षेप घेतला आहे.
चार्जरसंबंधी अॅपलकडून मांडण्यात आलेला पर्यावरण रक्षणाचा मुद्दा खोडून काढण्याल आला आहे.
कार्बन उत्सर्जन कमी करण्यासाठी चार्जर देण्यात येत नाही, असं अॅपलने सांगितलं होतं.
त्यामुळे पर्यावरण सुरक्षेला हातभार लागेल, असंही सांगितलं होतं. पण त्याचे कोणतेही पुरावे आढळले नाहीत. त्यामुळे मंत्रालयाने आयफोनला विक्री बंद करण्याचे आदेश दिले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.