साक्षी राऊत
दरवर्षी आषाढ महिन्याच्या शुक्ल पक्षात द्वितिया तिथीला जगन्नाथ रथ यात्रा निघते. दरवर्षी लाखो लोक येथे एकत्रित येतात. यंदा १४६ वी रथयात्रा निघणार आहे.
या यात्रेत भगवान जगन्नाथ आपली बहिण सुभद्रा आणि भाऊ बलभद्रसोबत ३ सुंदर रथांमध्ये बसून गुंडिचा मंदिरात पोहोचतात. गुंडिचा मंदिरात ते ७ दिवस विश्रांती करतात.
भगवान जगन्नाथांच्या बहिणीने एक दिवस नगर फिरण्याचा हट्ट केला. तेव्हा जगन्नाथ आणि बलभद्र त्यांच्या लाडक्या बहिणीला रथातून नगर दाखवण्यास निघाले. यादरम्यान ते मावशीच्या घरी गेले आणि ७ दिवस थांबले.
या मंदिरात भगवान जगन्नाथ त्यांचे भाऊ बलभद्र आणि बहिण सुभद्रा यांच्या मुर्त्या आहेत. लाकडांच्या मुर्त्या असलेलं हे देशातील अनोखं मंदिर आहे. या मंदिरात काही रहस्यही दडलेले आहेत.
जगन्नाथ मंदिरातील या तीन मुर्त्या दर १२ वर्षांनी बदलतात. मात्र एक गोष्ट अजिबात बदलत नाही ते म्हणजे ब्रम्ह पदार्थ. या दरम्यान ब्रम्ह पदार्थ जुन्या मुर्तीवरून काढून नव्या मुर्तीला लावण्यात येतो.
ब्रम्ह पदार्थाला भगवान श्रीकृष्णाच्या हृदयाला जोडून बघितले जाते. येथील पुजाऱ्यांचं असं म्हणणं आहे जेव्हा ब्रम्ह पदार्थाला जुन्या मुर्तीतून नव्या मु्र्तीत जोडलं जातं तेव्हा त्यांना हृदयस्पर्श जाणवतो.
मंदिरात एक सिंह द्वार आहे. असं म्हटलं जातं की जेव्हा तुम्ही सिंह द्वारातून बाहेर पडता तेव्हा समुद्राच्या लाटांचा आवाज वाढतो. मात्र सिंहद्वारात प्रवेश करताच आवाज बंद होतो.
जगन्नाथ मंदिर चार लाख फूट स्क्वेअर मीटर परिसरात आहे. ज्याची उंची २१४ फूट आहे. एका मंदिराच्या शिखरावर एक झेंडा लागलेला आहे जो कायम हवेच्या विरूद्ध दिशेने उडतो.
या मंदिराचं विशेष रहस्य म्हणजे या ठिकाणी कितीही ऊन पडली तरी मंदिराची सावली कधीच पडत नाही.
जगन्नाथ मंदिरात जगातील सगळ्यात मोठं स्वयंपाकघर आहे. या स्वयंपाकघरात ८०० लोक काम करतात. या स्वयंपाकघराचं वैशिष्ट्य म्हणजे इथे किती जनसमुदाय आला तरी जेवण कमी पडत नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.