Vaibhav Mane
सीए रचना रानडे शिक्षिका एनफ्लुएंसर आणि उद्योजिका म्हणून प्रसिद्ध असलेलं व्यक्तिमत्व सर्वांच्याच परिचयाचे आहे.
पहिल्याच प्रयत्नात सीए झाल्यावर सीए आणि एमबीए च्या विद्यार्ध्यांना जवळपास १० वर्षे शिकवले.
२०१९ साली त्यांनी आर्थिक साक्षरता आणि शेअर मार्केटचा अभ्यास यासाठी युट्यूब चॅनेल CA Rachana Phadke Ranade इंग्रजी भाषेतून चालू केले. तसेच..
इंग्रजी भाषेमधून आर्थिक व्यवस्थापनाचे आणि शेअर मार्केटचे ऑनलाइन कोर्सेस चालू केले.
आजपर्यंत २०,००० पेक्षा अधिक विद्यार्ध्यांनी या कोर्सेस मधून ज्ञान मिळवले आहे.
आर्थिक साक्षरतेचे ज्ञान आणि त्याची जनजागृती अजून मोठ्या प्रमाणात मराठी माणसापर्यंत कशी पोहोचवता येईल या उद्देशाने १ मे २०२२ रोजी त्यांनी मराठी युट्यूब चॅनल CA Rachana Ranade (Marathi) ची सुरुवात केली. आणि...
मराठी माणूस आर्थिक साक्षर व्हावा त्यासाठी त्यांनी मराठी भाषेमधून देखील आर्थिक व्यवस्थापनाचे आणि शेअर मार्केटचे ऑनलाइन कोर्सेस जानेवारी २०२३ मध्ये चालू केले.
प्रत्येक भारतीयाने आर्थिकदृष्ट्या साक्षर व्हावे असे रचना मॅडम चे उद्दिष्ट आहे त्यासाठी हर घर इन्व्हेस्टर या उपक्रमाची त्यांनी सुरुवात केली.
मराठी युट्यूब चॅनल CA Rachana Ranade (Marathi) वर्षभरातच त्या चॅनलचे ५.५ लाखांपेक्षा जास्त सब्स्क्राइबर झाले.
त्या बीकॉम, पीजीडीएम, एमबीएस आणि सीए आहेत आणि हे सर्व करत असताना देखील त्यांनी आपली गायनाची आवड जोपासली आणि त्यांनी गायनातील संगीत विशारद पदवी सुद्धा मिळवली.
त्यांचे पती अक्षय रानडे हे उत्कृष्ट खवय्ये आहेत.
रचना रानडे धडपडणाऱ्या अनेक युवक युवतींच्या आदर्श आहेत.
CA Rachana Phadke Ranade इंग्रजी भाषेतून चालू केला ज्याचे आज ४४ लक्ष सब्स्क्राइबर आहेत.
रचना रानडे यांचे शालेय शिक्षण अभिनव इंग्रजी विद्यालयातून झाले. आणि अक्षय यांचे रमणबाग शाळेतून त्यानंतर दोघांनी BMCC मधून महाविद्यालयीन शिक्षण पूर्ण करून इन्स्टिटयूट ऑफ चार्टर्ड अकाउंटंट्सऑफ इंडिया मधून CA ची पदवी मिळवली .
त्यांच्यामुळे आर्थिक साक्षर होणारे लोक आज जगभरात आहेत.
त्यांना नास समिट २०२२ साठी दुबई मध्ये आमंत्रित करण्यात आले होते २०० ते २५० पेक्षा अधिक प्रेक्षकवर्ग उपस्थित होता आणि २० पेक्षा जास्त देशांतून लोक सहभागी झाली होती त्यात अमेरिका, सिंगापूर, पाकिस्तान, दुबई अश्या अनेक देशांचा समावेश होता.
त्यांचे पती सीए अक्षय रानडे यांनी खाजगी कंपनीतील नोकरी सोडून या प्रवासात त्यांना उत्तम साथ दिली, आणि आजही हा प्रवास यशस्वीरित्या ते दोघे एकत्रित करत आहेत.
त्यांच्या मराठी चॅनलमुळे काही मोलकरणीने सुद्धा बँक अकाउंट काढले ही त्यांच्या दृष्टीने समाधानाची बाब आहे.
आम्ही त्यांना विचारलं इतर कॉन्टेन्ट क्रिएटरला तुम्ही काय सल्ला द्याल ? तेव्हा त्या म्हणाल्या कोणताही कॉन्टेन्ट अतिशय जबाबदारीने काढला पाहिजे.
त्यांच्या अतिशय प्रभावी वक्तृत्व शैलीमुळे लोक एकवेळ मालिका बघणं विसरतात पण शेअर मार्केट बद्दलचे माहिती बघणे हे विसरत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.