सकाळ ऑनलाईन टीम
आज आपण अशा एका बॉलिवूड अभिनेत्रीबद्दल बोलणार आहोत, जिने तीन दशकांपूर्वी कंडोमबाबत लोकांच्या मानसिकतेत मोठा बदल घडवला होता.
एसटीडीसारख्या रोगांपासून बचाव करण्यासाठी आणि कुटुंब नियोजनासाठी उपयुक्त असलेले कंडोम आज सहज उपलब्ध असतात, पण पूर्वी तसे नव्हते.
९० च्या दशकाच्या सुरुवातीला कंडोमची वेगवेगळी प्रकारे विक्री होत नव्हती, फक्त सरकारी ब्रँड 'निरोध' बाजारात उपलब्ध होता.
प्रसिद्ध जाहिरात तज्ज्ञ अलीक पदमसी यांच्या नेतृत्वाखाली पहिली कंडोम जाहिरात तयार करण्यात आली होती.
या जाहिरातीला सुरुवातीला दूरदर्शनवर बंदी घालण्यात आली, मात्र केबल टीव्हीवर ती दाखवली गेली आणि देशभरात चर्चेचा विषय ठरली.
ही जाहिरात 'कामसूत्र' कंडोमची होती, ज्यात प्रथमच कंडोमला केवळ कुटुंब नियोजनासाठी नव्हे, तर आनंदाच्या दृष्टीकोनातूनही सादर करण्यात आले.
या जाहिरातीनंतर कंडोमच्या विक्रीत मोठी वाढ झाली आणि लोकांनी ते अधिक स्वीकारू लागले.
रेमंड कंपनीचे गौतम सिंघानिया यांनी कोरियन कंपनीसोबत मिळून 'कामसूत्र' कंडोम विकसित केला होता.
अलीक पदमसींच्या मते, त्याकाळी पुरुष कंडोमला केवळ गर्भनिरोधक साधन म्हणून पाहत होते, त्यामुळे त्याचा वापर टाळण्याची प्रवृत्ती होती.
लोकांचा दृष्टिकोन बदलण्यासाठी पदमसींनी कंडोमला आकर्षक बनवण्याचा निर्णय घेतला आणि 'कामसूत्र' या ब्रँडच्या अंतर्गत डॉटेड, फ्लेवर्ड आणि अल्ट्रा-थिन प्रकार बाजारात आणले.
या नव्या दृष्टिकोनामुळे कंडोम हा फक्त सुरक्षिततेसाठी वापरण्यात येणारा उत्पादन न राहता लाइफस्टाईलचा एक भाग बनला
या जाहिरातीत पहिल्यांदा काम करणारी अभिनेत्री होती पूजा बेदी, जी कबीर बेदी यांची मुलगी आहे.
या जाहिरातीत पूजा बेदी आंघोळ करताना दिसली होती, ज्यामुळे ती चर्चेचा विषय बनली होती.
पूजा बेदी यांनी सांगितले होते की, 'कामसूत्र' कंडोम केवळ सुरक्षिततेसाठी नव्हे, तर महिलांच्या आनंदाच्या दृष्टिकोनातूनही महत्त्वाचा ठरला.
या जाहिरातीने कोणतीही अश्लीलता न दाखवता लोकांच्या मानसिकतेत बदल घडवला आणि कंडोमबाबत समाज अधिक खुलेपणाने बोलू लागला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.