सकाळ डिजिटल टीम
कृष्णा कृषी आणि औद्योगिक महोत्सवाच्या निमित्तानं कऱ्हाडमध्ये उपमुख्यमंत्री देवेंद्र फडणवीस यांच्यासोबत बऱ्याच वर्षांनी उदयनराजेंनी बैलगाडी सफर अनुभवली.
राजकीय आणि विकासकामांबाबत आमच्यात नेहमीच चर्चा होतात; पण त्या पलीकडे आमचं जे मैत्रीचं नातं आहे, त्याला उजाळा देणारा हा संस्मरणीय क्षण असल्याचे उदयनराजेंनी सांगितले.
देवेंद्र फडणवीस यांनी बैलगाडीचं सारथ्य स्वतः केलं आणि म्हणून हा क्षण अधिकच मोलाचा ठरला, असेही उदयनराजे म्हणाले.
उदयनराजे म्हणाले, बैलगाडीत बसल्यानंतर उपमुख्यमंत्री फडणवीस यांनी कासरा पकडला होता. मी त्यांना हा बैलगाडीचा कासरा असून, आता येथून सुरुवात आहे.
भविष्यात या राज्याचा कासरा तुम्हाला हाती घ्यावा लागणार आहे. ही सर्व जनतेची मनापासूनची इच्छा आहे, अशी सूचक टिप्पणीही खासदार उदयनराजे भोसले यांनी केली.
देवेंद्र फडणवीस आणि उदयनराजे भोसले यांच्या 'बैलगाडी स्वारी'ची दिवसभर चर्चा राज्यात सुरु होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.