'लक्ष्मी रस्ता' नाव कसं पडलं? १०१ वर्षे पूर्ण झालेल्या रस्त्याचा इतिहास

लक्ष्मी रोड

पुण्यात आल्यानंतर तुम्ही लक्ष्मी रोडला भेट दिली नाही तर तुमची पुण्याची भेट अपूर्ण समजली जाईल.

पुण्याचे हृदय

लक्ष्मी रोडला पुण्याचे हृदय देखील म्हटले जाते.

या रस्त्याला धनाची देवी लक्ष्मीचे नाव देण्यात आले आहे.

हे प्रामुख्याने कपड्यांच्या दुकानांसाठी प्रसिद्ध आहे.

‘ईस्ट वेस्ट’

स्वातंत्र्यपूर्व काळात ‘ईस्ट वेस्ट’, या नावाने ‘तो’ ओळखला जायचा. त्या काळातही त्याचा रुबाब काही कमी नव्हता.

संस्कृती

पण ‘ईस्ट वेस्ट’ हे काही मराठी संस्कृतीच्या पचनी पडणार नाव नव्हतं. अखेर १९२१-२२ हे वर्ष उजाडलं आणि ‘त्याला’ नाव मिळालं, लक्ष्मी रस्ता. या रस्त्याने यंदा १०१ वर्षे पूर्ण केली.

प्रकाशमय

त्यानिमित्ताने व्यवसायाला भरभराटी देणाऱ्या लक्ष्मी रस्त्याबद्दल ‘प्रकाशमय’ कृतज्ञता व्यक्त केली ती पुणे स्थानिक व्यापाऱ्यांनी.

पुणे व्यापारी महासंघ, युनायटेड रिटेल ट्रेड गारमेंट असोसिएशन (युआरटीजीए) व पुणे सराफ असोसिएशन यांच्यातर्फे लक्ष्मी रस्ता, कुमठेकर रस्ता व बाजीराव रस्त्यावर विद्युत रोषणाई करण्यात आली आहे.

त्याचे उद्‌घाटन पुणे महापालिका आयुक्त विक्रम कुमार यांच्या हस्ते शुक्रवारी झाले.

यावेळी पुणे व्यापारी महासंघाचे अध्यक्ष फत्तेचंद रांका, सचिव महेंद्र पितळीया, ‘यूआरटीजीए’चे अध्यक्ष राजेश शेवानी, सचिव मिलिंद शालगर, लक्ष्मी रोड सराफ असोसिएशनचे अध्यक्ष योगेंद्र अष्टेकर, महापालिकेच्या विद्युत विभागाचे प्रमुख श्रीनिवास कंदूल उपस्थित होते.

महाराष्ट्राच्या कानाकोपऱ्यातून ग्राहक खरेदीसाठी लक्ष्मी रस्त्यावर येतात. लक्ष्मी रस्त्यावर सराफांची दुकाने असल्याने येथे ‘वॉकिंग प्लाझा’ करणे जोखमीचे ठरेल.

वाहतूक कोंडीची समस्याही वाढेल. त्याऐवजी महापालिकेने ‘पे ॲण्ड पार्क’ची सुविधा द्यावी, तसेच लक्ष्मी रस्त्यावरील वाहतूक १९९२ प्रमाणे डेक्कनहून कॅम्पच्या दिशेने पुन्हा सुरू करावी. - फत्तेचंद रांका (अध्यक्ष, पुणे व्यापारी महासंघ)

१०१ वर्ष पूर्ण

पुण्यातील लक्ष्मी रस्त्याला आज १०१ वर्ष पूर्ण झाले आहेत.