निवडणुकीतील गैरप्रकार रोखणार ‘सी-व्हिजिल ॲप’, असं करतं काम...

लोकसभा निवडणुकीत आचारसंहिता भंगाच्या तक्रारी तसेच गैरप्रकार रोखण्यासाठी केंद्रीय निवडणूक आयोगाने ‘सी-व्हिजिल’ हे मोबाईल ॲप विकसित केले आहे.

या ॲपद्वारे नागरिकांना निवडणुकीतील गैरप्रकारांची माहिती थेट प्रशासनाला देणे सुलभ होणार आहे.

लोकसभा निवडणूक अधिकाधिक पारदर्शकपणे व्हावी. तसेच निवडणुकीत कोणते अनधिकृत प्रकार होऊ नये. निवडणुकीत शंभर टक्के आचारसंहितेचे पालन व्हावे, यासाठी निवडणूक आयोगाकडून विविध उपक्रम हाती घेण्यात आले आहेत.

त्याच उपक्रमाचा एक भाग म्हणून निवडणुकीतील गैरप्रकाराची माहिती आयोगाला समजावी, या हेतूने आयोगाने हे ॲप विकसित केले आहे.

हे लक्षात ठेवा

ॲपच्या माध्यमातून फोटो अथवा दोन मिनिटांपर्यंतचा व्हिडिओ काढून तो अपलोड करावा लागणार

यासाठी मोबाईलमध्ये इंटरनेट सेवा आणि जीपीएस लोकेशन ही सुविधा असणे आवश्‍यक

अॅपवरून आचारसंहिता भंगाची माहिती दिल्यास ती जिल्हा प्रशासनाकडे येईल

जिल्हा प्रशासनाकडून ही तक्रार संबंधित लोकसभा मतदारसंघाकडे पाठविली जाईल

त्यानंतर त्या मतदारसंघातील भरारी पथक घटनास्थळी जाऊन त्यावर कारवाई करणार.

अक्षांक्ष व रेखांशद्वारे प्रशासनाला लोकेशन समजणार.

त्यामुळे अधिकची माहिती तक्रारदाराला द्यावी लागणार नाही.

असाही फायदा

‘व्हीएचए’ या अॅपद्वारे मतदार आपले नाव मतदार यादीत शोधू शकतात. तसेच मतदान केंद्राची माहिती मिळेल. तसेच मतदान ओळखपत्र या अॅपद्वारे डाऊनलोड करून घेता येणार आहे.

‘केवायसी-ईसीआय’ या अॅपमध्ये निवडणुकीतील उमेदवाराचे प्रतिज्ञापत्र, गुन्हे दाखल असेल तर त्याची माहिती नागरिकांना मिळेल.

राणीबागेतील बहुतांश प्राण्यांचा हृदयविकाराच्या झटक्याने मृत्यू