संतोष कानडे
मराठा आरक्षण लढ्याचे नेते मनोज जरांगे पाटलांच्या सुरक्षेसाठी आता व्हॅनिटी व्हॅन तैनात करण्यात आलेली आहे
शनिवार, दि. २० जानेवारीपासून जालन्यातल्या अंतरवाली सराटी येथून मराठा आंदोलक मुंबईकडे कूच करणार आहेत
मनोज जरांगे पाटील यांच्यासाठी मराठा बांधवांनी खास व्हॅनिटी व्हॅन सज्ज केली आहे. या व्हॅनमध्ये सर्व सुविधा असणार आहेत.
बीड येथील मराठा समन्वयक गंगाधर काळकुटे आणि त्यांच्या सहकाऱ्यांनी ही खास व्हॅनिटी जरांगेंसाठी तैनात ठेवली आहे.
''ज्यांनी समाजासाठी जीवाची पर्वा केली नाही, महाराष्ट्र पिंजून काढला; ते आता मुंबईकडे पायी चालणार आहेत. त्यांना रात्रीच्या मुक्कामासाठी, आरामासाठी आणि सुरक्षेसाठी ही व्हॅन असेल'' असं काळकुटेंनी सांगितलं.
या व्हॅनमध्ये सोफा, बेड, वॉशरुम, फ्रिज, ओव्हन यासह अनेक सुविधा आहेत. शिवाय सलाईन घेण्यासाठी आणि इतर आरोग्याच्या सुविधांसाठी व्हॅनमध्ये व्यवस्था आहे.
२० तारखेला अंतरवाली सराटी येथून निघणारा मोर्चा २६ तारखेला मुंबईत पोहोचणार आहे. मुंबईतील आझाद मैदान, शिवाजी पार्क आणि इतरही मैदानांमध्ये हे आंदोलन होईल
मराठ्यांनी मुंबईच्या दिशेने कूच करु नये, यासाठी सरकारकडून शेवटच्या क्षणापर्यंत प्रयत्न केले जात आहे. परंतु जरांगे पाटील भूमिकेवर ठाम आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.