सकाळ डिजिटल टीम
मायणी-दहिवडी मार्गावरील धोंडेवाडी ते सूर्याचीवाडी दरम्यान मारुती ओमनी गाडीला अपघात होऊन तीन व्यक्तींचा जागीच मृत्यू झाला.
तर, या अपघातात चार जण गंभीर आहेत. त्यांना स्थानिक नागरिक व पोलिसांनी उपचारासाठी दाखल केलं आहे.
खटाव तालुक्यातील सिद्धेश्वर कुरोली येथील पांडूरंग देशमुख यांच्या मारुती ओमनी गाडीतून कुरोली व बनपुरी येथील लोक सांगली जिल्ह्यातील लोकरेवाडी इथं देवदर्शनासाठी निघाले होते.
कातरखटाव ते मायणी दरम्यान असलेल्या सूर्याचीवाडी गावाच्या हद्दीत चालकाचा ताबा सुटल्याने गाडी झाडावर जाऊन जोराने आदळली.
त्यात तीन व्यक्तींचा जागीच मृत्यू झाल्याची प्राथमिक माहिती पोलिसांनी दिली.
दरम्यान, घटनास्थळी लोकांची मोठी गर्दी जमली होती. अपघातात गाडीचा चक्काचूर झाला आहे.
परिविक्षाधीन पोलिस उपअधीक्षक अजय कोकाटे यांच्या मार्गदर्शनाखाली स्थानिक व अपघातग्रस्तांचे नातेवाईक यांच्या सहकार्याने पोलीस पुढील कार्यवाही करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.