सिराजच्या वादळासमोर दक्षिण आफ्रिका ढेर...

साउथ आफ्रिकेविरोधात सुरू असलेल्या कसोटी क्रिकेटमध्ये भारताचा वेगवान गोलंदाज मोहम्मद सिराजने कमाल केली आहे.

भारत आणि दक्षिण आफ्रिकेविरोधात दुसरा कसोटी सामना केपटाउनमध्ये खेळला जात आहे.

या सामन्यात सिराजच्या वादळासमोर आफ्रिकेचा संघ पत्त्याच्या बंगल्याप्रमाणे कोसळल्याचे पाहायला मिळाले.

सिराजने नऊ ओव्हरमध्ये फक्त १५ धावा घेत सहा विकेट्स घेतल्या आहे, दरम्यान सामना अद्याप सुरू असून उरलेले विकेट्स देखील त्याच्याच खात्यात जाऊ शकतात.

सिराजच्या घातक गोलंदाजीसमोर आफ्रिकेची दाणादाण उडाल्याचे पाहायला मिळाले, पहिल्या सात विकेट्सपैकी सिराजने सहा तर बुमराहने एक विकेट झटकली.

सेंच्युरियन येथील पहिल्या कसोटी सामन्यात पराभाव स्वीकारावा लागल्यानंतर भारताने जबरदस्त कमबॅक केला आहे.

आफ्रिकेची धुळदान उडल्याचे चित्र असताना सिराजने लागोपाठ ९ ओव्हर गोलंदाजी केली, आफ्रिकेने ४५ धावांमध्ये सात विकेट गमावले आहेत.

महत्वाचे म्हणजे कसोटी क्रिकेटमध्ये १५ धावांमध्ये सहा विकेट ही सिराजची आतापर्यंतची सर्वोत्तम कामगिरी आहे.

सिराजने केलेल्या या पराक्रमानंतर भारतीय संघाने या दुसऱ्या कसोटी सामन्यावर घट्ट पकड बनवली आहे.

शांत झोपेसाठी हे आहेत उत्तम घरगुती उपाय!