रामराजेंपासून उदयनराजेंपर्यंत.. सातारा-माढा मतदारसंघात राजकीय नेत्यांनी बजावला मतदानाचा हक्क

माढा लोकसभा मतदारसंघ : बोडके (ता. माण) गावात शिवसेनेचे (उद्धव बाळासाहेब ठाकरे) नेते शेखर गोरे यांनी मतदानाचा हक्क बजावला.

फलटण येथील मुधोजी क्लब या मतदान केंद्रावर आज सकाळी पावने दहाच्या सुमारास विधान परिषद माजी सभापती आमदार रामराजे नाईक-निंबाळकर यांनी मतदानाचा हक्क बजावला.

निंभोरे (ता. फलटण) येथे खासदार रणजितसिंह नाईक-निंबाळकर व त्यांच्या पत्नी माजी जिल्हा परिषद सदस्य अॅड. जिजामाला नाईक-निंबाळजार यांनीही आपला मतदानाचा हक्क बजावला.

माढा लोकसभा अंतर्गत माजी विभागीय आयुक्त, राष्ट्रवादीचे नेते प्रभाकर देशमुख यांनी पत्नी अनुराधा देशमुख व कन्या हर्षदा देशमुख-जाधव यांच्यासह माण तालुक्यातील लोधवडे या गावी मतदानाचा हक्क बजावला.

मविआचे उमेदवार शशिकांत शिंदे यांनी सातारा लोकसभेच्या निमित्ताने कुटुंबीयांसमवेत ल्हासुर्णे (ता. कोरेगांव) गावात मतदानाचा हक्क बजावला.

महायुतीचे उमेदवार उदयनराजे भोसले यांनी माता तुळजाभवानी व छत्रपती प्रतापसिंह महाराजांचे शुभाशिर्वाद घेऊन सहकुटुंब मतदानाचा हक्क बजावला.

भुईंज येथील मतदान केंद्रावर जाऊन माजी आमदार मदनदादा भोसले, भाजपच्या सातारा जिल्हा महिला आघाडीच्या जिल्हाध्यक्षा सुरभीताई भोसले यांनी मतदान केले.

माजी मुख्यमंत्री, आमदार पृथ्वीराज चव्हाण यांनी कराड येथील नगरपालिका शाळेत आज कुटुंबीयांसमवेत मतदान केले.

खासदार श्रीनिवास पाटील यांनी कराड शहरातील पालिका शाळा नंबर तीनमध्ये आज सहकुटुंब मतदान केले.